Popular Bible Verses from मती 6

Share

महज सबसे पैहने ओकर राज आ धारमिकताके खोजि कर तब उ सबचिज तोरासबके खातिर औरो बेसीसे देतौ।

काइलके खातिर चिन्‍ता नै कर, कथिलेत काइलके दिन आपन फिकिर आपने करतै। आइके दुख आइके लेल बहौत छै।”

“अहै खातिर हम तोरासबके कहैचियौ, ‘आपन परानके लेल कथी खेबै आ कथी पिबै’ आपन देहके खातिर ‘कथी पिन्‍हबै’ कैहके फिकिर नै कर।” कि खाइ-पियैसे परान आ बस्‍तरसे देह बेसी मोलके नै हैछै?

महज जब तुसब परथना करैचिही त, आपन भितरी कोठलीमे जो आ केबार लग्‍याके आपन पिता जकरा कोइ नै देखेसकैछै तकरसे परथना कर। जे गुप्‍तमे करल काम देखैछै ओह्‍या पिता तोरा इनाम देतौ।

तुसब अनङके परथना कर- ‘हे स्‍वरगमे रहैबला हमरासबके परमेस्‍वर पिता, अहाँके नामके आदर हेबे। अहाँके राज आबे, अहाँके इक्‍छा जनङ स्‍वरगमे छै, तैहनङे पिरथिबीयोमे पुरा हेबे।

हमरासबके आइके भोजन दिय।

हमरासबके अपराध छमा करु, जनङ हम्‍हुसब आपन अपराधीसबके छमा करनेचियै।

हमरासबके पापमे फसाइबला बातसबसे दुर राखु आ दुस्‍टसे बचाबु। [कथिलेत राज, पराकरम आ महिमा जुगो-जुग तक अहैके चियै, आमेन।’]

“यदि तुसब लोकसबके अपराध छमा करबिही त स्‍वरगमे रहैबला पिता ओहो तोरोसबके अपराध छमा करतौ।

अकासमे उरैबला चिरै-चुरगुनसबके देख। नै त उसब छिटैछै, नै कटनी करैछै, नै बखारीमे अन राखैछै, महज तैयो स्‍वरगके पिता ओइसबके खियाबैछै। कि तुसब ओइसबसे बेसी मोलके नै चिही?

“आपन खातिर पिरथिबीमे धन-सम्‍पती नै ढेरिया, जते ओकरा किरा आ बिज लाइगके नास कैरदैछै। जते चोरसब सिन कोइरके ओकरा चोरालैछै। बरु आपन खातिर स्‍वरगमे धन-सम्‍पैत ढेरिया, जते नै किरा, नै घुन लाइगके नास हेतौ, नै त चोरे सिन काइटके चोराइले सक्‍तौ। कथिलेत जते तोहर धन रहतौ, ओतै तोहर मन रहतौ।

“दुइटा मालिकके सेबा कोइ नै करे सकैछै। कथिलेत उ एकटाके घिरना करतै आ दोसरसे परेम करतै। उ एकटाके मान-दान करतै आ दोसरके खराब समझतै। तुसब परमेस्‍वर आ धन दुनुके सेबा करे नै सकबिही।

जब परमेस्‍वर चौरीके घास, जे आइ छै काइलके आइगमे जराएल जेतै, तकरा अहिनङ सिङारैछै त, ए कमजोर बिस्‍बास करैबलासब कि तोरासबके औरो बेसीसे नै सिङगारतौ?

महज जब तु दान दैचिही, तोहर देहना हाथ कथी कैर-रहलछै से बमा हाथके थाह नै हेबे। तोहर दान गुप्‍तमे हेबे आ सब चिज देखैबला परमेस्‍वर तोरा इनाम देतौ।

येसु चेलासबके कहैतगेलै, “होसियार रह, लोकसबके देखाबैलै धरम-करम तुसब नै कर। नै त स्‍वरगमे रहैबला पितासे तोरासबके कोनो इनाम नै भेटतौ।

“जब तुसब उपास बैठैचिही तब कपटी जखा उदास चेहरा नै देखा। कथिलेत लोकसबके उपास बैठल देखाइले उसब आपन मुह मलिन करने रहैछै। साँचे हम तोरासबके कहैचियौ, ओकरासबके मिलैबला पुरे इनाम मिलगेलछै। महज तु उपास बैठैत खिना मुरीमे तेल लगा आ आपन हाथ-मुह धुवा। तोहर उपास लोकसबके खातिर नै, महज गुप्‍तमे रहैबला तोहर पिता देखे आ सब चिज देखैबला परमेस्‍वर तोरा इनाम देतौ।