Popular Bible Verses from Genesis 28

Share

Iń do am sãotege minạńa; ar jãhãtegem calakʼ iń do amiń rukhiyạmea. Noa disạmtege arhõń ruạṛ ạgumea. Ar okań galmarao akatʼme ona ạuriń purạu hạbicʼ iń do bạń bạgi giḍimea.”

ar Probhu Isor do ona coṭre teṅgokateye menkeda, “Iń kangeạń Probhu Isor do. Am okarem giticʼ akan noa disạm do am ar amren bõskoń emakoa.

Ar Jakob do jạpitʼ khon beretʼkateye menkeda, “Probhu Isor do khạṭige noa jaegare menaea menkhan iń do bạń bujhạu daṛeadea.”

Noa tayom Jakob do kiriạkateye menkeda, “Ińakʼ noa daṛan horre ińe rukhiyạyiń, ar ińakʼ horokʼ lạgitʼ kicricʼe imạń, ar iń babawakʼ oṛakʼte napaeteń ruạṛ daṛeakʼ, enḍekhan nui Probhu Isorge ińren Isor menteń manaoea. Ar noa dhiri oka do cinhạ khunṭi lekań teṅgoketʼ nonḍege Isorakʼ oṛakʼ do hoyokʼa. E Isor, jãhãnakʼgem imạń ona reakʼ gel hĩs reakʼ mitʼ hĩs do amiń emama.”

Amren bõsko do dhạrtiren gitil lekako saṅgekʼa. Onko do purub-pạchim ar utạr-dạkhin secʼko pasnao idikʼa. Ar dhạrtiren sanam jạtrenko do am ar amren bõsko hotete bhorko ńama.

Ar ona jaega reakʼ ńutum do Bethele dohokeda (metakʼme, “Isorakʼ oṛakʼ ”). Noa jaega sor reakʼ nagraha do Lus ńutum tahẽkana.