Popular Bible Verses from Luk 14

Share

okoe iń ṭhene hijukʼ, uni do acʼren eṅgat-apat ar bạhu ar gidrạko ar boehako ar miserako se acʼakʼ jiwi hõ iń khon bạ̃ṛtiye dulạṛ, enḍekhan ińren cela do ohoe hoydaṛelena.

Okoe acʼakʼ kurus gokʼkate iń tayomte bae hijukʼ, uni hõ ińren cela do ohoe hoydaṛelena.

Okoe acʼte usulokʼe menetʼkan uni doe copotʼ ocokʼa, ar okoe acʼteye copodokʼ uni doe usul ocokʼa.”

Ado mucạtʼre Jisui menkeda, “Onkage apeko modre jãhãe begor hudis cintạte acʼakʼ jotowakʼko bae bạgi oṭowakʼ khan, uni do ińren cela ohogeye hoydaṛelena.

“Ape modre jãhãege mitʼṭecʼ usul oṛakʼ benaoe menjoṅ khan uni do lahare duṛupʼkate khoroce hisạb maṛaṅa. Uni doe ńela, ona sạt lạgitʼ ṭaka menakʼtaea se baṅa. Ar baṅkhan rehetʼ bạisạu tayom ona oṛakʼ bae purạu daṛeakʼ khan okoe onako ńel onko doko landa dhutʼaea. Onkoko mena, ‘uni hoṛ do benaoe ehopʼletʼgea, menkhan bae purạu daṛeada.’

Menkhan bhojem tearlere am do reṅgecʼ orecʼko, ṭhunṭạko, leḍhako, ar kãṛãko neotakom. Enḍekhan Isorakʼ bhorem ńama, ente onko do bako neota hala ruạṛ daṛeama. Ar dhoromko gocʼko khonko jiwetʼ beretʼ ocokʼre am do noa reakʼ halawama.”

“Buluṅ ma bhagege, menkhan sabakʼlen khan cekate ona do rahamokʼa? Unre ona do hasa lạgitʼ hõ lek baṅ hoyokʼa, ar guricʼ mande lạgitʼ hõ baṅ; ar hoṛko do bahrete onako oḍok giḍikakʼa. Ańjom lạgitʼ lutur menakʼtae hoṛ doe ańjomma.”