Popular Bible Verses from Yoa 15

Share

Ma me ne nyia ndik woon, mi ki bifa'alé. E môt a too be ma, ma fe me too be nye, e nye a wum bibuma abui, amu me momo, mi se ngul ya bo to'o jam éziñ.

Taba'ane ñhe be ma, ma fe e be mia. Aval éfa'alé é se ngule ya wum bibuma étam, nge é nji timbi be nyia ndik, avale te fe mia nge mi nji tabe be ma.

Nge mia tabe be ma, mejô mame ki me tabe be mia, jaka'ane jôm ése mia kômbô, mia ye nyoñe je.

Sake mia mi nga tob ma, mamien me nga tob mia, a telé mia na mi ke, a wume bibuma, a bibuma bienan bia ye dañe libi, a na, nge mia ye ja'é Tate jôm éziñ a jôé dam, a ye ve mia je.

Môt éziñ a nji bi nye'ane wo dañ wuna na môt a ju ényiñ jé a butane bemvôé bé.

Efa'alé ése é tii be ma te wum bibuma, a tyi'i je, a e ji ése ki ja wum bibuma a seb je na é wum bibuma abui.

Atiñe dame ke di na mia mia mi nye'esan, aval ane me nga nye'e mia.

Esaa wom a nyoñe duma amu na mia wum bibuma abui a nalé ate mia ye bo beyé'é bam.

Ma me ne nyia ndik, Esaa wom ki e nye a bo ésaé ya été.

Nge môt éziñ a nji tabe be ma, ba ye wua nye atan aval ane éfa'alé, ve mane kôt, be ve kôane bie a wua bie nduan été, bi ve mane dik.

E mam ma, me nga kate mia me na ava'a dam e bo be mia, a na ava'a denan e jaé ne lut.

Nge mia ba'ale metiñ mam, mia ye tabe nye'ane wom été, aval ane mamien me nga ba'ale metiñe m'Esaa wom, a me too e nye'ane wé été.

Jam ma bendé mia e ne ve na mi nye'esan, wua a nyô mbok.

Nge mi nga ye bo ba ya si ndôn, si ndôn é nga ye nye'e jôme jé. Ve mbôl mi nji bo ba ya si ndôn, amu mamien me nga ke ma tob mia e si ndôn été, ajô te si ndôn ja wô'ô mia biko.