Popular Bible Verses from Yowano 14

Share

“Nikushiya kumwena mumwenu, nikwo kumwena kwami oku nikumipanika. Kumipanika kumwena ngonehe bakakaye bapananga nifwako. Hinga mulikekula mu mitima yenu, kami hinga mutina.

Yeshu wambile kukwendi ngayi, “Ami nzila na kupwisha na wumi, kowa muntu ukuya kuli Tate ndele apitile mumwami.

“Hinga mulikekula mu mitima yenu, kulupilenu muli Nyambi kami kulupilenu mumwami.

Ngoboni Mukakubela, Moyo Wakuyela ou Tate akatuma mu lizina lyami, ukamilongesha nimwabyo nakumyanukisha byuma nimwabyo, ebye nambile kukwenu.

Nimwendi ukutambula ndayano zami, nakuzombatala, niye wahaka ami. Tate ukamuhaka, nanami nikamuhaka, kami nikaliholola kukwendi.”

Nikalomba kuli Tate, kami Tate ukamipana Mukakubela wamina, ngayi ekalenga nenu mwayile myaka. Niye Moyo wakupwisha, ou bakubula kutwesha kutambula bakakaye ndaba kumumona hinge kumulimuka bafwako. Ngoboni enu mukumulimuka, ndaba wekala nanenu, kami uli mumwenu.

Kami nimwabyo mukalomba mu lizina lyami, nikabitenda ngayi wuwahe wa Tate umoneke. Ndi mukulomba shuma nimwasho mu lizina lyami, nikashitenda.

“Ndi mukuhaka, mukwombatala ndayano zami.

Mu litala lya Tate muli matala amengi, shinga mowa shinga shilolo nimitongweze noho. Nikuya nikamiwahishile mwanya.

Munyima ya kuya na kumiwahishila mwanya, nikaboka kwiza na kumishimba, ngayi mukekala oku nikekala.

Tomashi wambile kukwendi ngayi, “Mwene, kulimuka oku ukuya tufwako, haya tukulimuka nahiti nzila?”