Popular Bible Verses from Mateo 24

Share

Ndaba wubi wukahanya, pe shishemo sha babengi shikapola. Ngoboni ou ukazumanana kukuma na ku mamaninino, niye ukapulwishiwa.

Eze ncango zaziwahe za Wene zikashimikiwa mu kaye nimwamo kwinga wupaki ku bantu nimwabo, nihoboni mamaninino akeze.

Oho mukayuvwa bya zinzita na mpupo ya zinzita, hinga mukalikekula. Ndaba ebye binafwanini kumoneka ngoboni mamaninino shilolo akume.

Ndaba litunga likafutukila litunga lyamina, kami wene ukafutukila wene wamina. Kukekala kapande na kukanka kwa litunga ku zimbalila zazingi. Byuma ebye nimwabyo bikenga ngonehe kutatika kwa makando a mbuyama hakuhema mwana.

Liyilu na hanci bikamana, ngoboni mazu wami kukamana afwako.

Ndaba babengi bakeza mu lizina lyami, bakamba ngayi, ‘Ami Kilishitu,’ pe bakongeza bantu babengi.

“Bakamimanga na kumiyaka mu maboko abayo bakamiyandisha, pe mukazihiwa. Matunga nimwawo akamizimba ndaba ya lizina lyami. Ha shikati shiyo babengi bakashiya kukulupila kwabo, bakalibeba umo na wamina, bakalizimba umo na wamina. Bamiluwe ba mahalo babengi bakeza, pe bakongeza bantu babengi.

Yeshu wakumbwile kukwabo ngayi, “Keyenu, kutina muntu wamina amyongeze.

Nohobene nenu libalakenyenu, ndaba Mwana Muntu ukeza ha shikati shiya mukubula kulimuka.

“Nohobene keyenu, ndaba kulimuka mutena ou akeza Mwene wenu mufwako.

“Ngoboni bya mutena uyo na shikati shiyo kowa muntu ukubilimuka, hinge mangeloyi a muyilu, hinge Mwana wufwako, ndele tuhu Tate ukulimuka.

Ndaba Bakilishitu ba mahalo na bamiluwe ba mahalo bakeza, na kumonesha bimonekesho byabinene na bikomokesho ngayi bakashanwishe hinge bakuhatiwa ndi shinga shikatwesheka.

Ngoboni nehe kwekalile ha matena a Nowa,* nisho kami enze shikekale hakwiza kwa Mwana Muntu. Ngonehe kwekalile ha matena ayo libazi oho shilolo lize, bantu balilenga na kunwa na kuyeka na kuyekishiwa, hantu mutena uyo enginine Nowa mu wato. Bantu kaliha balimukile shamina, hantu libazi lyakumine, pe lyabakupwile nimwabo. Kukenga nahiyo kami hakwiza kwa Mwana Muntu.