Popular Bible Verses from Mateo 28

Share

Nohobene yenunga ku bantu nimwabo mukabenge bandongesha bami. Mukabazubilishe mu lizina lya Tate, na lya Mwana, na lya Moyo Wakuyela. Pe mubalongeshe kwombatala nimwabyo ebye ninamilaya. Nikekala nenu shikati nimwasho, kutwala ku mamaninino a kaye.”

Niho Yeshu ezile hahepi nabo wambile ngayi, “Ngovu nimwazo za muyilu na hanci zinapanikiwi kukwami.

Lingeloyi lyambile ku bambuyama ngayi, “Hinga mutina, nikulimuka ngayi mulinakushinga Yeshu, ou wakolekiwile. Wufwamo muno unashanguku ngonehe ambile. Yekenu kuno mumone omu alanganine.

Niho Yeshu ambile kukwabo ngayi, “Hinga mutina, yenunga mukatongweze bawushinda wami ngayi baye ku Ngalileya, kuyo niko eze bakamonene.”

Bakankombela ba bakulwane bakungulukile hamo na kulyambashana na bakulwane ba Bayunda. Bapanikile mali amengi ku bakanzita, pe babatongwezele ngayi, “Enu mwambe ngayi, bandongesha bendi beza wushiku na kumuyiba etu oho hinga twalangana mu tulo. Ndi Kalela ukayuvwa eshe shambo, tukamutongweza shiwahe, mwanga enu hinga mwikala mu wukalu.” Pe bakanzita bashimbile aya mali, batendele nehe babatongwezele. Olu lushango lwatumbalalile mukati ka Bayunda kukuma na ku mutena walelo.