Popular Bible Verses from Mateo 5

Share

Hinge bantu kutwesha kumunika lambi na kuyiyaka munceto ya lulonga lwakukunama bafwako. Ngoboni bakuyiyaka haya yikumoneka ngayi yimoneshe bali mu litala nimwabo. Nohobene lumuni lwenu lumunike ku bantu, ngayi mwanga bamone milimo yenu yayiwahe, pe bapane maleema kuli Tatiyenu wa muyilu.

“Enu muli lumuni lwa kaye. Munzi unazikiwi ha shinkanda kutwesha kuholekiwa wufwako.

Bali na mfuywezi baya banayele mu mitima, ndaba bakamona Nyambi.

Bali na mfuywezi baya bali na nzala na linyontwa lya byakwoloka, ndaba bakekuta.

Ngoboni nikumitongweza ngayi hakenu bakankole benu, kami lombelelenu baya bakumiyandisha

“Bali na mfuywezi baya bakuliyuvwa kushepwa mu moyo, ndaba wene wa muyilu unengi wabo.

Bali na mfuywezi baya bakutabwela bantu, ndaba bakatoyiwa ngayi bana ba Nyambi.

Bali na mfuywezi baya bakulila, ndaba bakababengezeka.

Bali na mfuywezi baya bakuyandishiwa ha byakwoloka, ndaba Wene wa muyilu unengi wabo.

Bali na mfuywezi baya bali na nceshe, ndaba bakabayuvwila nceshe.

Muli na mfuywezi ndi bantu bakumitukana na kumiyandisha, na kumibangila byabibi nimwabyo bya mahalo ndaba yami. Wahililenu na kutangala, ndaba ncungu yenu yayinene muyilu. Eshe nisho bayandishile bamiluwe baya bekalileko enu oho shilolo muhemuwe.

Bali na mfuywezi baya bakulilimbwilisha, ndaba bakakona kaye.

“Enu muli mushele wa hano hanci, ngoboni ndi mushele unahamuku, ukatobalishiwa nahiti? Kutwesha kutobiwa kami hiwufwako, nohobene, ukuyumbiwa hanci, pe bantu bakuwulyata na mawulu.

Ngonehe Tatiyenu wa muyilu enga wakulembuka, nohobene enu lembukenu.

Ngoboni mwambe ngayi, ‘Ee,’ hinga ngayi, ‘Byo,’ shakunungako nimwasho, shikufuma ku mukawubi.

“Mwayuvwile shambiwile ngayi, ‘Kubokeshiwe liho na liho, liyewe na liyewe.’ Ngoboni haya nikumitongweza ngayi, hinga mubweshela wubi ku muntu ukumibipishila. Ngoboni ndi muntu unakukama ha ntanta ya shilyo, mutengekele ntanta yamina kami.

Ndi liho lyobe lya shilyo likukupukalisha ngayi utende wubi, litompole, pe uliyumbe. Ndaba shashiwahe kukwobe kuyumba shimamo shobe kupitakana ngayi lutu lwobe nimwalwo lukayumbiwe ku Ngehena. Pe ndi liboko lyobe lya shilyo likukupukalisha ngayi utende wubi, liketule, pe uliyumbe. Ndaba shashiwahe kukwobe kuyumba shimamo shobe, kupitakana ngayi lutu lwobe nimwalwo lukayumbiwe ku Ngehena.