Popular Bible Verses from Mako 14

Share

Kami walombelele ngayi, “Tate, Tate! Byuma nimwabyo bikutwesheka kukwobe, fumisha eye nkomoki ya makando kukwami, ngoboni hinga kutendiwa ebye nikushinga, kutendiwe shamutima wobe.”

Tonenu na kulombela kutina mwingina mu byezeko. Moyo hiwushinga, ngoboni lutu lunapopo.”

Mwashikuma nikwamba kukwenu ngayi, oku zikashimikiwa eze ncango zaziwahe muno mu kaye nimwako, eshe anatende ou mbuyama shikashimikiwa, pe shikenga shakumwanukila.”

Wambile kukwabo ngayi, “Moyo wami unayene shikuma kutwala ku kufwa. Ikalenu kuno, kami tonenu.”

Oho balilenga, Yeshu watolele linkende, wakambililile kuli Nyambi, walipabwile, pe wapanikile bandongesha bendi wambile ngayi, “Tambulenu mulye, olu nilo lutu lwami.”

Niho kami atolele nkomoki, oho amanishile kukambilila kuli Nyambi, wabapanikileyo, niho banwinemo nimwabo. Wambile kukwabo ngayi, “Owe niwo mukeza wami wa kulimama kwakupya ou unetikili babengi.

Yeshu wambile kukwabo ngayi, “Nimwenu mukantina, ndaba kwatikitiwa ngayi, ‘Nyambi ukakama mulishani, pe bambelele bakapanzana.’

Katukenu, tuyenunga. Monenu, niye ukambeba uli hahepi!”

Yeshu wambile kuli Pita ngayi, “Mwashikuma nikwamba kukwobe ngayi, wushiku unobene, oho likombwe shilolo likuwe kabili, obe ukankana kahatu.”