Popular Bible Verses from Mako 9

Share

Yeshu wambile kukwendi ngayi, “Ingoi, ndi obe ukutwesha, byuma nimwabyo bikutwesheka kuli ou ukukulupila.”

Wanguwangu tatiyendi uya kanuke wabilikizile ngayi, “Ninakulupili, ngoboni shashishe nyavwe mwanga nikulupile shikuma!”

Oho Yeshu enginine mu litala, bandongesha bendi bamwipwile kwaninkayabo ngayi, “Ndabangani etu twabula kutwesha kuwafumisha?” Niho abakumbwile ngayi, “Mayimbwe a mushobo wanehe kutwesha kufuma nahiya afwako, ndele malombelo na kuzila kulya.”

“Mushele wenga wawutobe, ngoboni ndi mushele unahamuku ukatobalishiwa nahiti? Ikalenu na mushele mukatikenu, kami ikalenu mukumwena ku wumo na wamina.”

“Nimwendi ukatambula umo wa naba batwanuke babashe mu lizina lyami, unatambulu ami. Nimwendi ukuntambula, wufwako kutambula ami, ngoboni natambulu ou wantumine.”

Mwashikuma nikwamba kukwenu ngayi, muntu nimwendi ukumipanika nkomoki ya mema akunwa mu lizina lyami, ndaba ngayi muli Bakakilishitu mwashikuma ukatambula ncungu yendi.

“Muntu nimwendi ukapukalisha umo wa babashe aba banakulupili mumwami ngayi batende wubi, shikenga shashiwahe ngayi amangiwe limanya lyalinene mu ncingo na kumuyumbila mu liwate.

Liho lyobe ndi likukupukalisha ngayi utende wubi litompole. Ndaba shashiwahe kwingina mu Wene wa Nyambi na liho limo kupitakana kukuyumbila mu ngehena, hinga wekala na meho abili.