Popular Bible Verses from Zaŋ 15

Share

Na nə ya gu viŋə, ɓay hi ɓa sə kuna: Swə məni wə suk tləɓa nji kə rin ɓay na wə suk tləɓa nji kə rum, bə rum wə vra' juk, zə hi cu gak gi kwa məsin dan rin mi.

I gay' tləɓa nji kə rin, ɓay na də suk tləɓa nji kə ri! Ce' ndə məni ɓa gu viŋə cu gak vra' kə ɗaw rum dan tləɓa nji kə ya gu mi, ndəna' ta', hi cu gak vra' kə ɗaw ri, dan tləɓa nji kə rin mi.

Hi la' wə gay' tləɓa kə rin, ɓay dan man wə suk wə vunduk ri si, i o kwa məni hi kə mê' rum, ɓay hi də fe.

Hi cu par nan mi, ama na da' ni ɓay ne vari ne ni kədan hi də vra', vra' məni wə də hâ: Ndəna', kwa daŋ' məni hi də o ɓa Ba man kə semɗe rin, mum də mi ne.

Bə mə toŋ pâ daŋ', məni swə gak ta' ne kə bây um nə ni na: Say mum mar zə bə rumu.

Mum tləraɗ ɓa gu ɗaw ɗaw daŋ' məni cu wə vra' mi, ɓay mum wə gila' ɓa gu ɗaw ɗaw daŋ' məni wə vra' kədan ɓa rum vra' də kofo.

Dan dlay man nə ni na: I bə nji mbok nji, ce' ndə məni na wə mi ba.

Kəri məni hi wə vra' juk, hi wə ta' i hi sum ta zə rin, ɓay kə vari rum, hi wə ta' mbra' Ba man ta'a.

«Na nə ya gu viŋə mə kəzin', ɓay Ba man nə bə sine gu viŋə rumu.

Swə məni cu suk tləɓa nji kə rin mi, handay də um ɗâ ta rəka ce' ndə ɓa gu, ɓay mum də co', ndəna', sôwâ wə ra' ɓa gu məni co' si njay də ku, ɓay ku nday ye'e.

Na in dan rum ne ni kədan kəɗam man nə ke du ri, ɓay kəɗam mi nə ke kəɗam mə kəzini.

Hi la' wə ta zə dan dlay man si, hi də gay' du bə man, ce' ndə məni na wə ta zə dan dlay Ba man, ɓay na wə suk du bə umu.

Dan dlay məni na wə mi ne nə ni na: I bə nji mbok nji.»

Hi la' mə nya kəzə si, sôwâ nya mi bə, zə hi wə du ndaya: Ama na da' ni wə du sôwâ nya, ɓay hi cu wə du nday za' mi, zə rum, handay wə mi sî.