Popular Bible Verses from Kwidika 2

Share

Nzambi watiyili chaabiluwu, Nzambi waanukili chatiyaŋeniyi dehi naAbarahama, naIsaka, naYakoba. Nzambi wamweni anyana kaIsarela, Nzambi washiluhu muchima.

Woho, mafuku amavulu ahitamu nikuhitamu, mwanta wakuEjipitu afwa nikufwa. Anyana kaIsarela ashishimokeli nawuduŋu wawu, hiyakudila, kudila kwawu kwadililuwu nawuduŋu wawu kwashikili kudi Nzambi.

Mwana wakulili, wamutweli kudi mwana kaFwaro wamumbanda, hakwikala mwanindi. Wamutumbili ijina dindi, nindi Mosi, nindi, Muloŋa namuzambwili mumenji.

Mwana kaFwaro wamwilili nindi, Mutwali iwu mwana wumunleleli. Nukukwinkaŋa wulooku weyi. Mumbanda hakutwala mwana, hakumulelaŋa.

Mwana kaFwaro wamumbanda wakunkumukili kukaloŋa nakuwela; atumbanji twindi awambanda akulishili chikumu chakaloŋa; chamweniyi kamutoŋa mukachi kamateti watemesheli kambuŋindi wamumbanda nindi akaleti kunu.

Hamafuku ana, chakuliliyi Mosi, wayili kudi anakwindi, watalili yisenda yawu. Wamweni kaEjipitu hakweta manakwindi kaHeberu. Watalili niniku niniku, chamweniyi kwosi muntuku wamujahili kaEjipitu, wamuvumbikili muwusekulula.