Popular Bible Verses from ڢِتُواْوَ 32

Share

دَ مُتَنٜىٰ سُكَغَ مُوسَٰى يَدَطٜىٰ بَيْ سَوْكُواْ دَغَ بَبَّنْ تُدُنْبَ، سَيْ سُكَ تَارُ عَكَنْ هَٰرُونَ سُكَثٜىٰ مَسَ ‏«‏تَاشِ، كَيِ مَنَ أَلُّواْلِنْ دَ ذَاسُيِ مَنَ جَغُواْرَ، غَمَا وَنَّنْ مُوسَٰى مُتُمِنْدَ يَڢِتَرْ دَمُو دَغَ ڧَسَرْ مَصَرْ، بَمُسَنْ أَبِنْدَ يَسَامٜىٰشِيبَ؞»‏

سَيْ يَهْوٜىٰهْ يَثٜىٰ وَ مُوسَٰى ‏«‏كَسَوْكَ دَ سَوْرِ!‏ غَمَا جَمَعَرْكَ دَ كَڢِتَرْ دَسُو دَغَ ڧَسَرْ مَصَرْ سُنْ ڧَظَنْتَرْ دَكَنْسُ؞ سُنْيِ سَوْرِنْ كَوْثٜىٰوَ دَغَ حَنْيَرْدَ نَعُمَرْثٜىٰسُ سُبِے؞ سُنْ ڧٜىٰرَ وَكَنْسُ صِڢَّرْ طَنْ بِجِمِ سُنَيِ مَسَ سُجَّدَ، حَرْ سُنَ مِيڧَ مَسَ هَدَايَ سُنَ ثٜىٰوَ ‏‹‏يَا إِسْرَٰٓءِيلَ، وَنَّنْ شِينٜىٰ اللَّهْ وَنْدَ يَڢِتَرْ دَكُو دَغَ ڧَسَرْ مَصَرْ؞›‏

دَ هَٰرُونَ يَغَ حَكَ، سَيْ يَغِنَ بَغَدٜىٰ أَغَبَنْ طَنْ بِجِمِنْ، يَيِ شٜىٰلَ يَثٜىٰ ‏«‏غُواْبٜىٰ ذَاعَيِ بِكٍ سُجَّدَ غَ يَهْوٜىٰهْ؞»‏ وَشٜىٰغَرِ سَيْ مُتَنٜىٰنْ سُكَتَاشِ دَ سَسَّڢٜىٰ، سُكَ مِيڧَ هَدَايُ نَڧُواْنَاوَا دَ نَڠَرَنْ زُمُنْثِ؞ بَايَنْ وَنَّنْ سُكَ ذَوْنَ سُكَثِ سُكَشَا حَرْ سُكَ شِغَ ضَوَ؞

وَشٜىٰغَرِ مُوسَٰى يَثٜىٰ وَمُتَنٜىٰنْ ‏«‏كُنْ عَيْكَتَ ذُنُوبِ مَيْ ڟَنَنِ؞ يَنْذُ بَرِ إِنْكُواْمَ وُرِنْ يَهْوٜىٰهْ عَكَنْ بَبَّنْ تُدُنْ، وَتَڧِيلَ ذَنْعِيَ طَوْكَرْ أَلْحَكِنْ ذُنُبَنْكُ؞»‏