Popular Bible Verses from Zn 11

Share

Zezi dir li, “Momem larezireksion, momem lavi; dimounn ki krwar dan mwa pou viv mem si li finn mor. Tou dimounn ki viv e krwar dan mwa zame pou mor; eski to krwar dan seki mo pe dir?”

Zezi dir li, “Mo pa finn dir twa ki si to krwar to pou trouv laglwar Bondie?”

Zezi plore.

Me letan Zezi tann sa, li dir, “Sa maladi-la pa pou donn lamor, me li pou montre laglwar Bondie e pou manifeste osi laglwar Garson Bondie.”

Letan li fini dir sa, li kriy pli for ki li kapav, “Lazar, sorti deor!” Lazar ki ti mor, sorti deor avek bandaz dan so lipie, so lame, ek enn vwal lor so figir. Zezi dir zot, “Delarg li, les li ale.”

Zezi ti ankor boulverse, ler li al devan tonbo. Tonbo-la ti enn kavern dan ros e ti ena enn gro ros dan so lantre.

Apre Zezi kontigne, “Nou kamarad Lazar pe dormi, me mo pe al lev li.”