Popular Bible Verses from Zn 13

Share

Mo donn zot enn komannman nouvo: kontan zot kamarad, parey kouma mwa, mo kontan zot. Zot bizin kontan zot kamarad. Si zot ena lamour pou zot kamarad, tou dimounn pou kone ki zot mo disip.”

Si mwa ki Met ek Segner, mo finn lav zot lipie, aster-la, zot osi zot bizin lav lipie zot kamarad. Mo finn donn zot sa lexanp-la pou ki zot fer parey kouma mo finn fer ar zot.

Zezi reponn, “To pa konpran seki mo pe fer aster-la me pli tar to ava konpran.”

Vremem, laverite mo dir zot, enn serviter pa pli gran ki so met e enn dimounn ki finn avoye pa pli gran ki dimounn ki finn avoy li la.

Si aster zot finn konn tousala, zot pou bienere si zot met sa an pratik.

Zezi leve, kit latab, retir so manto, pran enn serviet e atas li dan so lerin. Apre sa, li vers dilo dan enn kivet e li koumans lav lipie so bann disip; li souy zot lipie avek serviet ki ti dan so lerin.