Popular Bible Verses from Zenez 3

Share

Fam la trouv sa fri la bien atiran e bon pou manze. Fri la donn anvi manze pou gagn lasazes. Lerla, li kas enn fri e li manze. Li donn enn bout so mari ki avek li e li osi manze.

Serpan pli rize ki tou bann zanimo sovaz ki LESEGNER Bondie finn kre. Serpan dimann fam la: “Eski vremem Bondie finn dir zot pa manz okenn fri ki trouv dan zardin?”

Pou ena laenn ant twa ek fam la, ant to desandan ek so desandan. Zot pou rod kraz to latet, e twa to pou rod mord zot talon.”

Lerla, LESEGNER Bondie dir fam la: “Mo pou ogmant douler to groses, e to pou soufer kan to gagn zanfan. Twa, to pou atire ar to mari, me li, li pou dominn twa.”

To pou transpire toulezour pou to gagn to dipin ziska ki to retourn dan later, later kot to finn sorti. Ek lapousier to finn pran nesans, dan lapousier to pou retourne.”

Lerla, LESEGNER Bondie dir zom la: “To finn ekout to fam, To finn manz sa fri la. Pourtan, mo ti donn twa enn lord, mo ti defann twa manz sa. Asterla, akoz twa later pou modi. Toulezour to pou bizin trime pou gagn to bouse manze.

LESEGNER Bondie dimann li: “Kouma to kone to touni? Eski to finn manz fri ki mo finn defann twa manze?”

Apre sa LESEGNER Bondie met enn bann anz pou gardien lantre zardin. Zot ena bann lepe ki kas dife e ki tourn dan tou direksion. Zot servi sa pou gardien sime ki al kot pie ki donn lavi.

Adam apel so fam Ev, ki vedir vivan. Limem mama tou bann imin lor later.