Popular Bible Verses from Hechos 2

Share

Ca' so Pedro saat, ca 'naaco': —Qamiá'ogue 'xañiñi naua se no'ueene' no'ueenataxagohi, chaqai qanachilaxane' qamiri, qaỹouen da leenaxat so qara'gaxala' Jesucristo, qaiyi ñi qota'olec ỹapalaxate' naua rasauaxashichiri, ca' ỹaañiỹaxarom ca Espíritu Santo.

Ca sá'ogue so qomyipi ỹaatqajam quejlec chaqai ỹa'maxate'tegue da lapaxaguinataxanaxague' saua lelaatqa so Jesús, chaqai ỹaatqajam na'deene'ejta', chaqai quena' nqouagaxain chaqai quena' que'e, ca lotqai lapoỹata'.

Ca sá'ogue qano'xataxachichigui queso Espíritu Santo. Ca' quiyi, ca retaqa, ỹa'xate' naua ỹoqa'alo na'qaatqa, quecá'maq qoỹaanem ỹa'xat queso Espíritu.

Ca' chi re'laqataxanta quiyim 'uo' so qara'xaỹaque, 'maqot na piguim. Da lelamaxa 'nejem na nonot lodegaxat, ilamigui nqai'en so 'imec neetaugui so qomyipi nqa'xantañi. Ca' re'oq so no'legaxanqateripi 'ec norec lauaq, neuagaxachichigui ỹaatqata ca taalec queca 'óna. Ca sá'ogue qano'xataxachichigui queso Espíritu Santo. Ca' quiyi, ca retaqa, ỹa'xate' naua ỹoqa'alo na'qaatqa, quecá'maq qoỹaanem ỹa'xat queso Espíritu.

Chaqai naua'que naua na'xata' lapootecta' cañi no'ueenaxanaxaqui quiyi Jerusalén, chaqai quenaua la'aate' nouanta'ta' quena' que'e 'xoic laỹaac chaqai ỹaatqajam hueetagui añi le'taxanata da neneequesenaxac. Ỹa'xatetac qaica 'nejem ñi qota'olec, ca ná'ogue na qom nqo'ta. Ca' quesaua na'xata' ñi qara'gaxala' ỹoqotqajno ná'maq ỹacoñiguit yi na'qaatec ná'maq dalaxaic nca'leuec nqohin.

Cauajo pa'aaterec na'xata', 'naac ñi qota'olec, saanec na ñi'Espíritu Santo, socorelec ná'ogue na qomyipi; ca ra'qaataxan na ñaalqaipi, ỹale chaqai ana 'aalo ỹa'xat da ỹa'qaatec, chaqai na ne'naqaipi 'ue na leuanaxanaxac, chaqai na qo'xoiquipi 'ue na le'guemataxac.

Sá'ogue só'maq ỹacoñiguit da na'qaatec ỹaatqajam sqo ỹora'chi chaqai notaanta'ta' quena louenqaipi. 'Uo' na imen na la'a' chaqai na louenqaipi, ca nasectaqchigui aca laseuete quecá'maq taachi'ñi ca louenaxanaxa ca 'óna.

Ca ná'ogue ná'maq nqouagaxainot ñi qara'gaxala', ca' chaqaica cá'maq qanca'laxatec.

Añi ra'aasa ñigui napalaxa, chaqai ñi shiraigo 'ec leuoripi, ma' saqa' novi' ca chalego lecaic na'xa'a ma' ro'ueenataxan ñi qara'gaxala'. Cajo na'xa'a lodegaxat, qaica 'nejem loyac.