Popular Bible Verses from Juan 12

Share

Ca no'm 'ue ca ỹahotaque quiyim ro'ueenataxanot aỹim, ca 'maxaraic quiyim queeta'pegue' aỹim, ma' cá'maq seuete'e, ca' chaqaiyi hueete'e cá'maq ro'ueenataxantacot aỹim. No'm 'ue ca ro'ueenataxanot aỹim, ca' ñi ita'a imaqachin ca'maxare.

Cá'maq ỹauotegue da chi nachaalataxac, ca na'laxatañi ma'le; qam cá'maq ỹamaqa'gue da chi nachaalataxac quena 'laua, ca 'ue ma'le da nachaalataxac qaica ca lqodoc.

Ỹaatqajam llic da shinac caqamiri, quiyim no'm 'óna ca trigo la sqai najñi, ca' taugui na 'laua, ca' se nqo'in quiyim 'oonoqui'. Qam no'm ileu, ca' ishit quiyim 'xoic ca qanaqat chicqaugui.

Ỹim ma' ỹim lcoỹeraqate na 'laua, qaiyi quená'maq huelec aỹim se no'ueenaugui na napalaxa.

Qam no'm 'ue ca 'xaỹalo naua ỹa'qaatqa, qam se na'xaỹaxan, mesqaỹim ná'maq sa'ue ca nouaxanaxaset ca'maxare; ma' ỹim se ñovita na 'laua quiyim so'uet ca nouaxanaxaset na qomyipi; qaidaata quiyim ñovi', qam nca'leuec nqaishin na qomyipi.

Ca' aso María nodouo aso coraxat lahi' 'uo' ca medio litro quena coraxat leenaxat nardo. So'maxare 'xoic lesega'a. Ca ỹocorelgoto naua lapiaate' so Jesús. Ca na' ime, ca ỹashiviaxate' ỹahote'e so laue. Ca' sá'ogue so 'imec pilougui so lahita so coraxat.

Co'na'le, ca qanouaxanec ana laue ana chavic, ca qaỹaqata'guit so Jesús. Ca qaỹaualqatalec, qohintari': —¡Semaqachinaq ñi qota'olec! ¡Ỹaatqajam no'uen da llicyaxac ná'maq naquetaugui da leenaxat ñi qara'gaxala'! ¡No'uen da llicyaxac ná'maq lashi na Israel llaalqaipi!

Ca' so Jesús 'naaco' quesaua'maxare: —Ỹovita yi laloqo' quiyim najo ỹale llaalec qaimaqachin ma'le.