Popular Bible Verses from Juan 19

Share

Ca' so Jesús ni'chigui so lataxa lochiviaxaic. Ime, ca 'naaco': —Ca nagui ná'ogue imigui. Co'na'le, ca nanaqañi na lqahic, ca' ileu.

Ca co'na' ime dajo, ma' so Jesús ỹa'den quiyim dá'ogue dajo ipaquichigui, chaqai quiyim ipaquichiguilo yaua naneresañi na'qaatqa, ca 'naaco': —Yalauat na ỹaquip.

Ca co'na' so Jesús iuane'ta aso late'e nachaatetañi, huaqate'e' só'maq paguec lqo'itaxat lapaxaguinatec, ca 'naaco' na'le caso late'e: —Qami' 'aalo, hueete'ena ná'maq qachaalqui'. Ime, ca lotqai 'naapego' só'maq lapaxaguinatec: —'Ada hueete'ena dá'maq qachii'i'. Ca co'na'le, ca chaqaiso so na'xa'a, ca só'maq lapaxaguinatec ỹauegueu'a yi la'a' aso'maxare.

Qam co'na' qanqo'neu'a so Jesús, ca qaỹa'den quiyim mashic ileu, ca' sqai qaỹaqaguite' naua lichil. Qam 'ue so ỹale neetaho quena nouaataxanaq ỹa'deho na lahi caso laqui, ca' ncopaata ca nenoxonec na leuo' chaqai na huaxaỹaq.

Ma' dajo 'ue qaỹovirau'a, qaiyi ipaquichigui da 'nerac naua naneresañi la'qaatqa ñi qota'a, ma' 'nerac: “Qaica ca qaỹaqaguit quena lpi'nec.” Chaqai da liỹa naneretañi na'qaatec 'neetasa': “Qaiuanchigui ma'le quená'maq ỹa'dac so'maxare.”

Ca' qaỹauec so Jesús i'xateta nqohin so npatenaxala', quepegue' yi 'laua leenaxat nqohin nqahic lpi'nec loma'. Qam quena hebreo la'qaatqa qohinac Gólgota.

Ca so nouaataxanyipi ỹañigui na lqahic aso lo'ueenata le qaipaxajta', chaqai qoỹañiguilo saua noho naue' letocqa'.