Popular Bible Verses from Juan 4

Share

Ñi qota'olec Espíritu. Ca' vichiguiño' quiyim quecá'maq imaqachin ñi'maxare, ca i'taxachichiguiñi, chicqochigui nqai'en so ne'Espíritu ñi qota'olec.

Qam mashic ỹovita yi laloqo', ca' chaqaina nagui ỹovita yi'maxare, quiyim quená'maq ỹaatqajam llic imaqachintac ñi qota'olec, ca imaqachin, qam chicqochigui nqai'en so ne'Espíritu ñi qota'olec. Ma' ñí'maq qota'olec chaqaida dá'maq ỹahotaque 'ne'tegue ná'maq imaqachin ñi'maxare.

Qam cá'maq ni'chigui cá'maq huaxaỹaq saanem, ca' qaica ma' liỹa quet iuet laquip. Ma' cá'maq huaxaỹaq saanem, ca'maxare 'ec la'uaxac ne'paxantashiguim quena lauel ca'maxare. Ca' chaqaica cá'maq ỹoviraqta'a ca nca'laxa sqaica lqodoc.

Ca' so Jesús 'naaco': —Huategue' queta' 'yiiñi' cá'maq ỹaan ñi qota'olec chaqai ná'maq ỹashiilatac qami' queca laquip, ca' qami' quet aná'maq yashiila'e', ca' ỹim saanem qami' ca huaxaỹaq se neme ne'paxantashiguim.

Qam so Jesús 'naaco': —Dá'maq noq chaqaida dá'maq quiyim so'uet cá'maq ỹahotaque ñí'maq yila', chaqai quiyim somat da lo'ueenataxanaxac.

Ca' aso 'aalo 'naaco': —Qami' ỹa'gaxala', vire'ta qaica ca re'maxasoxonaqchi' quiyim naviquirishiguim ca huaxaỹaq, chaqai aná'maq ni'ỹa qoỹoqochi'ñigui. Ca ¿nega'ỹo' ca chigoxochira'gue ca huaxaỹaq se neme ne'paxantashiguim quiyim nañaañi'?

Ca' aso 'aalo 'naaco': —Sa'den quiyim naata cá'maq qohinac Mesías —qam dajo 'naac Cristo, ca qaỹa'xateta'guit nashi nca'laxaqui. Ca ma' novi' ca'maxare, ca ỹa'xatema qomi' ná'ogue na leloxoỹaxaquipi. Ca' so Jesús 'naaco' caso'maxare: —Chaqaỹim ná'maq qami' 'qui'saque, ná'maq retaqata'pegue' qami'.

—Ỹalahi, ñaqa 'ajñii da ỹale mashic ỹa'xachim ná'ogue ná'maq shi'gue so'uet. ¿Mesqaido' dá'maq qaỹa'xateta'guit nashi nca'laxaqui?