Popular Bible Verses from Lucas 14

Share

—No'm 'ue ca nacpegue' aỹim, qam no'm se ỹamaqa'gue ca leta'a, aca late'e, aca loua, llaalqa, caua lqaỹa' ỹale' chaqai caua lqaỹa' 'aalo, chaqai vire'ta dá'maq chi nachaalataxac, se ishit quiyim ỹapaxaguinatec.

Chaqai ca sqai quegue aỹim, quiyim se ileualec aỹim, se ishit quiyim ỹapaxaguinatec.

Ma' cá'maq chi ỹauaaque ca lecaic, ca' se qaimaqachin, chaqai cá'maq neneequesenta, ca qaimaqachin.

'Eda da 'neeta quiyim 'ue cá caqamiri quiyim se ỹalat ná'ogue na louenqaipi, se ishit quiyim ỹapaxaguinatec.

No'm 'ue ca 'óna caqamiri ỹahotaque quiyim no'xonshiguim aca naue, ca' ¿mesqai 'au nqa'xanñi quiyim retan, ime, ca' naloqochin, tegue' chi nalootañi acá'maq laseuete aca sham ỹo'uet? Chaqai no'm ỹo'uet cá'maq pa'aañi quiyim ỹahotaque no'xonshiguim, qam se ỹomat, ca ná'ogue ná'maq iuana chaqa'ma' i'neetac ca'maxare. Ca' qohinac: “Dajo ỹale mashic no'xonshiguim ada naue, qam se ỹomat.”

Qam no'm 'viichi' ca nqui'ỹaxac, talaxañi' quena 'xoraic, chaqai na tot qaica ca 'negue, chaqai na ni'iraho naua lichil, chaqai na qai'laqaipi, qaiyi ỹaatqajam chalego ca ra'maxa'e'. Ma' na'maxare se ishit quiyim rishivichiñi'. Qam qami' ma'le 'ue ca nishiuetenaxaqui', ma' ỹovita quiyim liỹa qanca'laxatec ná'maq ỹaatqajam 'maxaraic da no'ueenataxac qomyipi.

Na 'ue ỹaatqajam lo'yaxanec, qam no'm tot nochaua, ca' ¿negue' quet ca 'neeta quiyim liỹa qaỹouen? Ca' tot qaica ca taiguit, vire'ta sqa taiguit quiyim qainaxaguit na 'laua, loqo'm quiyim qaỹalecqajñiguit cá'maq qainaxalec ca nanaxanqa'. Qaidaata quiyim qaỹalat. Cá'maq 'vii caua lque'laa lauaco, ca' na'xaỹaxan.