Popular Bible Verses from Lucas 5

Share

Ca co'na' ime da letaxaỹaxac, ca' 'naapega so Simón, 'naaco': —Nqo'naqchiraxasom quiyi la'paqa' aná'maq senqatañigui. Ime, ca' alliguiiñi ana roqoinaxanaxaguii.

Ca' so Simón 'naaco': —Qami' napaxaguinataxanaq, qomi' sá'ogue so pe soqoinaxanqatac, qam sqaica ca qaroqoinecsec. Qalaxam qami' mashic qarelachi', ca' nagui aỹim senaxañi na ỹaleguec. Ca co'na' mashic qainaxañi so naleguec, ca' ỹaatqajam 'xoic so noqoinecsec nallin. Ca vire'to' sham secta'gue so naleguec.

Qam so Jesús ta'oga ca 'laua sqaica qom. Ca' hua'ñiyi, ca nqouagaxaintac.

Aỹim se ñanaque quiyim soỹaxana ca qom lo'yaxanec, ta'ta'a ca sauaqhuaic, qaiyi ỹalate' naua lanatqa.

Ca co'na' iuana dajo so Simón, ca' ỹa'dooto naua le'cootal so Jesús. Ca' 'naapega, 'naaco': —Noỹoochirec caỹim qami' ỹa'gaxala', ma' ỹim ỹaatqajam aỹim ỹale sauaqhuaic.

Ca' so Jesús 'naaco': —Se ỹouen ca natarenataxanaq ca qom quiyim no'uenta, chaqaicaata ca ralolaxaic maq ỹouen.

Ca co'na' mashic ỹaueguereta saua qom lahiri huaxaỹaqse, ca' ỹaatqajam qano'ueenaqtetaguilo, ca' quetegue so Jesús.

Ca co'na' hueetau'a so 'óna quiyi na'aateripi so Jesús, ca' anaco' so qom rishiita na loshicmaxa. Ca' ỹa'dooto naua le'cootal, ỹoviraqtañi na latap quena 'laua. Ca' ne'xoresene'tot so'maxare, 'naaco': —Qami' ỹa'gaxala', 'nesam shichi'o', quiỹo'irec na yalolaxa. Ca' so Jesús ipootau'a so'maxare, ca' 'naapega, 'naac: —Ajá'a, seshit. Nagui, ca' qami' remi'rec. Ca co'na' naauec da la'qaatec, ca' so nalolaxa ca'e na loshicmaxa so ralolaxaic.

Qam da lichoxoric so Jesús ỹaatqajam noquiiquetauec, ca' ỹaatqajam 'xoic na qomyipi quepegue', ma' ỹahotaque quiyim na'xaỹaxana, chaqai ỹahotaque quiyim ỹomatec so'maxare na ralolaxa.