Popular Bible Verses from Gênesis 21

Share

Tsru Hixikatshriwa Hoyakalu hixkajyawaklo potuko tixatka Sara. Wane rixlo Sara htshina hinkaklexyawakpotuklo.

Hoyakalu jemlu mturu kte. Waneya Hiwejikaluru Hoyakalu towreru tenhohne hajeru hiynumatlo Agar tenhohneya, wla htshinro: — Kluhe pixa Agar? Hi ppikanu klu tshinanu Hoyakalu jemlu mturu kte rukoluhyawakaya. Ppalnanu pixa. Pyopkakakanru mturu, pkosemyotanru klu tshinanu satu neru hixkolupni koxa wale.

Waneya tsrutsolejpotuko rixinixka Abraão tmichiwata Sara, twuhenetlu jeji Hoyakalu mitshi tshinyawaklu Abraão hohne potuko tmatuwhenetatka.

Sara wla tshinatka: — Hoyakalu poyikowkakatkano hiyrun-koxa ptowru yineru xye pirana jematshripa hitayma poyikowatanu.

Waneya Hoyakalu wla tshinru Abraão: — Hi pjematshinotanu mturu tshinanu hiyrun-koxa ptowrero tshinanu hi pjematshinotanu. Ptowru potuko Sara tshinyawakatkayi pirana wale pkamhanu klu tshinanu piklopichanepa Isaque hichpajikatshripni.

Seyni towretshro whene koxa pa neru nixkakanru klu tshinanu wale honra pixa whenni.