Popular Bible Verses from Lucas 12

Share

Hix-koxa kakonutanu klu tshinanu Jeji Whene tshinkaluru hinanu hma kakonuxinri papko.

Seyni mitshikananhapka Hoyakalu pohirewaxyawaka hijhanu. Waneyakni Hoyakalu koxa henekanhi xyekaka ptowruka.

Waneya Jesus wla tshinna: — Yine, hislahinwa ptowruka ksotanuru pmet-sotanuxyawakanupa. Klu tshinanu hiweklu hi hejnu hihlenu tshinanu riwekanu yineru.

Klu tshinanu hanukta himrexyalu hpohirewnale wane koxlu hihchinikanu.

Hanunhe hixa satkakhi kojwakahchinikanruyma hixolethohneyehixikatshriwa rumukata hiweklexyawaka pejnu hohne?

Waneyakni Jesus wan-tshinna rasruklene: — Hi hkojwakahchinikanutanu hanu hixa hiwekletanu, klu hnikanu. Hi himane tshinanuko koxa hkojwakahchinikanutanu klu hmakatanu.

Haté wijiwutsa ptowruka hitakyahokalurni Hoyakaluya. Hiyáhoni hi hpikanu klu tshinanu hixa yáholu satupka yineru tsonu, hixo kochitshine yohnik-hijhakalurni!

Waneya Jesus wla tshina: — Noprane ovelha-ne mixone pixkalunmakhi seyni hi hpikanu. Klu tshinanu hixa Hiru nurehchinikanuxnawa hpohirewaxyawaka renejyawakaphi.

Hetanru pokotu. Hi rutaklewata. Hi ramlu. Hi honantshi himretawakako rimwa. Halikaka rohlutjeru tsonu Hoyakalu. Seyni hixa, kochitshine yohnik-hijhakalun-pothi hixa.

Hiyáhoni hi hijhanru klu hnikanu ho klu hiranu. Hi hkojwakahchinikanuxinwa.

Hoyakalukni makawkaklu campo hwatshriptshe xawakni wetleru yetshikawa ramhannatka forno hyoxijikolu tshinanu. Hi he kchana hmakaxyawaka pnute rixa makawkakletanhi hixa malixaklenhi?

Ptowru potuko hichyatkaluru ruphujetko hiyrun-koxa ptowru potuko yohimluru pirana pohitko.