Popular Bible Verses from Lucas 8

Share

Seyni halikaka kihle tshijiwaka hapoktatajitatshine, wannani potuk-hajirune, kihle hajirune. Hyijnakotluna tokantshi. Romkahitluna hjemlerna. Hmachiretleymana hjiwatanutkana.

Kona yehi hapoktatajitatshine, wanna Hoyakalu tokanu jematshine pixkalune. Seyni kojwakahchinikanrukaka, ho pohirewnalu, ho poyikowlukaka xye hohne hexikaluru mixkowpotuta waneya xekoyaka hkakmokannatkalu. Hiyáhoni hi hjiwatanatkana.

Sotlu hanikajite hiknokkalune wannani tokantshi jematshine. Tokantshi hjeminixkana hyoptotmakluna tsru rumuwleymana. Seyni hi waneyna hitskina wanna. Hiyáhoni pchini tsonu halixatshinepni. Runinipa yahtaletlewlu ramtakanruna tokantshi hjemlerna.

Waneya Jesus hepomhatkana rasruklene wane htshinna: — Hanurhe hixa halixle? Seyni hpikatkana hiyáhoni wane htshinkakna wannakakluko: — Hanu hixatshri koxni xye jeji? Klu tshinanu kanniphalu hipowha koxa yijnakotlu.

Hatnu hapostsi hapoktatajitatshri yaholni tokantshi jematshine. Seyni runa Satanás kamtshi. Hkonyana tokantshi rajiyna hitakkaluru hma malixyawakanupluna, hma miwekkajikowakanupna.

Klu tshinanu ptowruka yohimluru ruphujetko. Ptowru tokantshi yohimatkaluru rimathetko, runkakletko.

Waneya texnawa suxo hi tumukata yohimlexnawa, hitatakatshroko yanwakatlu Jesus. Waneya Jesus jixistsi tuknojnawa. Waneya tunkaklewata ptowru yineru hetanu klu hikolukle tkamruklu hiyrunu waneklukawa tutskalhiywakatka pirana. Waneya Jesus wan-tshinro: — Chrima, palixle hitskalakyi. Pyanu kihlehchinikanpatkayi.

Waneya rasruklene yanwakatlu Jesus, hkomyekluna wane htshinruna: — Kasruklewakleru, Kasruklewakleru, wupnahetkotanuna! Waneya Jesus yotunotatka htshihetjetlu kanniphalu hiyrunu tenoplojhal-koxa. Waneya rutukatka kanniphalu. Pokokha rixatka hipowha.