Popular Bible Verses from Lukas 14

Share

“E rei a viri i ngaru ni ramai iau, ge lohopile e tamana, e kinana, e girihina, e tuna, e turana mai, ge lohopile a nimade vona, lakea bara i kara ni ramai iau.

E rei a viri i uka ma i kalohoa a kai tavalavala vona, i uka ma i ramai iau, i keri ge ia a murimuri nau.

O rata mavonga, a vuhuna a viri i rata polo mugamuga, a Vure bara i vakamaruhua, pali a viri i vakakiroko ia, a Vure bara i kavurikea.”

Mua ranga, mu luhoi kado taro. E rei a viri i uka ma i lohopile a maki lobo vona, i uka ma i kara ge ia a murimuri nau.

“I mavonga kunana, e rei a viri i ngaru ni hae a ruma karaba bara i luhoi kado taro, i tahoka a moni ge haea vona, o i uka. Ma ge vakatubu ni haea, ma ge lobo a moni vona. Lakea e huriki bara ri nongo vakia na tahuna ri masia a ruma vona i uka ma i hae loboa. Bara ri ta maea, ‘Masia a bakovi iea, i vakatubu ni hae a ruma karaba iea, pali i keri ni vakaloboa.’

Na tahuna o rata a habu o gale valai e huriki a matasia, a beu, a vahahale, a kepa. Re huriki a bakovi maea bara ri keri ni koli a limamu. Ra i mavonga bara o vivi, a vuhuna a limamu bara ni koli na tahuna e huriki a bakovi kamumu bara ri pesi rike mule na nimate.”

“A sol a maki kamumu. Pali ge lobo a namina, ni gi bole mule tabu navai a namina? A sol i lobo a namina, i uka lehona. I uka ma ni gi ru na hania ge rike kamumu vona maki. I uka ma ni gi ru turana tahena bulmakau ge vona a malala vakuloi. Bara ni bole, ni vuroki tala tavula kunana. “E rei a viri i ngaru ni longokilalea a ngavagu, ge longo kamumu, ge luhoi kado.”