Popular Bible Verses from Lukas 3

Share

Muga ne Ioanes ni ru dili na bavi, na tahuna i vahilolo e huriki ala kupo, e Isu tara ni vahilolo. Na tahuna e Isu i vasileki, a hunu i mata ka, lakea a Hanu Kiripiripi i puru valai i manga a balu, i toka langa vona. Muri a lohona viri i ta valai meli na hunu, i ta maea, “Ioe e Tugu, a hategu. A vivi hateka vomu.”

Lakea e Ioanes i koli, i ta maea, “Iau a vahilolo mua na naru. Pali a viri tara i tabukoi ge valai, i tuhaka hateka nau. Iau i uka ma a bakovi kamumu ga puga vuroki a mota na vahapolo vona. Na tahuna i valai, bara i vahilolo mua na Hanu Kiripiripi, a kanono.

Naha ni luhoi mua, ge mua a hamone Abraham, mu gu malamala pali. Naha ni luhoi mavonga, a vuhuna a Vure i kara ni pulo a kedo nga, ge ria e huriki a hamone Abraham. I vai a kanena narone mua? Mu rata taro a naro kamumu ge vakasiri mua mu pulo muholi a vilone mua.

A kira i tabuli tabukoi pali na vuhuna kai. A kai i uka kanena kamumu, bara ni tolo puru, ni rungani.”

Hosi, e Isaia a propet i vakalongo muga ne Ioanes, i here maea: “A lohona viri i gale dagi na tabeke i ngeki i ta maea, ‘Mu pelekadoa a dala ne Bakovi Dagi. Mu pelekadoa a dala ge laho vona ge kiripiripi. Mu kelitagu a maka maloku. Mu keli tarida a maka lolo, a maka kupona. Mu kado a maka dala marogorogo, ri gi kiripiripi. Mu kavitagu a hini i golugolu, ge bila. Muri e huriki lobo bara ri masia a naro a Vure ge korimule hita vona.’”