Popular Bible Verses from Zaŋ 14

Share

Ya gərakwar metehey, ya vakwar metehey aɗaw. Ya ta vakwar ara ndah ta vavara ta viya bay. A lada rav takwar de kekesl bay, e de ŋgə zidaw bay.

Yesu ka vahan, gege: «Yey sə, ye cəvey, metehwe ana va ye mesfeney. Ndana mazlafa medə kad vara Papa jaka pe cəv mekele aabay, say jaka vereyey.

Yesu ke gweɗec ndah masasəraka jene tata, gege: «Rav takwar a ta təɗakwar bay. Makəs ma ta Zlavay, makəs ma taaɗaw may.

Nda ma ta jənakwar, Mesfen mavəna masa Papa a ta zlərakwar eve mezeley aɗaw sə, a ta sasərakakwaɗ jene hay fakwanay, a ta sləfakwaɗ jene hay fakwan masa ya ta gwaɗakwar.

Nda masa a pə ma aɗaw majawa pe leŋgesl tata, e ŋgə mezlər ava aŋga sə, ŋgesey, e weliyey. Nda masa e weliyey, Papa a ta waya. Yey may, ya ta wal nda ana, ya ta ŋguzdan yaŋ taaɗaw.»

yey sə, ya ta cana mbahw Zlav Papaŋ, a da zlərakwar nda ma ta jənakwar. Nda ana sə, a ta njah ava akwar katar ka midakw. Aŋga sə, aŋga Mesfen te metehwe ana, aŋga nda masa ndah ta vavara aca zlafa makəsiya bay, afa ac ka wala aabay, aca səniya bay. Amaa takwar sə, akwa səniya, afa aŋga da cak takwar, aŋga dapa akwar.

Jene hay fakwan masa akwar ta nəkiya eve mezeley aɗaw sə, ya ta ŋgakwaɗay, afa ndana hay aca ra hahəm Zlav Papaŋ jaka pa Wudiya. Daha akwa nəkefiyey jene eve mezeley aɗaw sə, ya ta ŋgakwaɗay.»

Yesu ke gweɗ saya, gege: «Daha akwa weliyey, manahda yaŋ kad pa ma hay ta ma aɗaw majawa

Da way ta Papa sə, slam ta manjah hay mabay. Daha slam ana hay ɓa tehwe aabay sə, ya gwaɗakwar masa ye dey, ya ta ləmadakwar slam ana hay masa akwar ta njah dapa sə, aabay.

Daha ya ka ta data pa maləmadakwaɗ cay sə, ye te vehekey, andə ta dakwa ava akwar, ara nesey, pa slam masa ya ta njahay sə, akwar ta njah faŋga may.

Tumas ka nəkafa, gege: «Bay Mazlakava, slam masa ke te də kad pa nesey sə, anda səniya bay. Naa, anda ra sən cəvey ana sə, gwagumaw?»