Popular Bible Verses from Zaŋ 16

Share

Ya gwaɗakwar fakwanay ara nesey sə, afa akwar da ŋgat metehey dapa manjah macama eve yey. Ac ta ŋgadakwar marga dapa vavara nesey, amaa matəhaza rav. Yey sə, ya ka ŋgə bigula da yaŋ ndah ta vavara na cay.»

Daha Mesfen te metehwe ana ka ta husakata cay sə, a ta padakwaɗ ma kad pe metehwe ana fakwanay, afa e te gweɗek dapa gədaŋ ta bay tata bay, amaa a ta gwaɗakwaɗ sə, jene hay masa aŋga ta cəna va magwaɗakwaɗ jene hay fakwanay masa ec te ŋgə maayaŋ kad fəma.

Dəga dapa mezlerey ana kasl pəsna, akwar ka nək jene eve mezeley aɗaw aabay. Manəkaw, akwar ta ŋgatiya, ara nesey meweslə takwar da nəhata.»

Anjəkar, ya ka gwaɗakwar metehwe ana, daha ya ka ta data sə, mambəla ana kad akwar. Eve metehwe ana, daha ye ke də aabay sə, nda ma ta jənakwar sə, e te dek aabay. Sesəker daha ya ka ta data sə, ya ta zlərakwaɗay. Aŋga sə, daha ka ta dakata, e te ŋguzdecen mezlek ta ndah ta vavara da yaŋ ma te mebərey, da yaŋ meŋgə mezlər eve cəvey ana va da yaŋ matəɗ ma ta Zlavay.

Ara aŋga ana, akwar may, təlam nesey, akwar dapa matakwa, amaa maayaŋ kad fəma sə, ya ta walakwar saya. Pas ana ŋgesey, akwar te wesley, mewesley ana ŋgesey, kwa ndana ma ta zlafa makəsakwaɗ aabay. Daha pas ana ka husakata cay sə, akwar te nəkefiyey jene ɓasabay. Ya gwaɗakwar, daha akwa nək jene kwa wula wula vara Papa eve mezeley aɗaw sə, a ta vakwar jeŋ ana.

Ya gwaɗakwar, akwar ta kuɗa, akwar te hwehurey, ta ndah ta vavara sə, ec te wesley. Akwar ta njah dapa matakwa, amaa matakwa takwar ana, a ta tərata ke mewesley.