Popular Bible Verses from Markwas 9

Share

Yesu ka vahan, gege: «Ke de gweɗ “daha ya zlafa” sə, mafay te mey? Ya zlafa maŋgana jene fakwanay kad nda makəsa ma aɗaw pa rav tata.»

Faŋga faŋga ana, papaŋ ta wat sə, ka cə lalaw, gege: «Ya kəs ma ana, amaa mbahw jəniyey, afa mekəsey ana sə, e fəniyey fa gədaŋ!»

Ava dəɓa ana, Yesu va ndah masasəraka jene tata ec ke sehw kad pə way ɓa, ac babəla teceŋ. Ndah masasəraka jene tata sə, ac ka nəkafa, gege: «Andə ka zlafa mambasana damkwaw dapa yaŋ ta wat ana aabay sə, mafay te meŋgəɗemey?» Yesu ke vehecen, gege: «Ma da zlafa mambasana tərsam ta damkwaw ana ara nesey sə, say ava macə mbahw kad Zlavay.»

Fəceɗ sə, jene mambəla ana. Amaa daha fəceɗ ana ka zana mecən tata avəda sə, ma da ŋgana masa e de cən saya sə, gwagumaw? Akwar sə, meŋgec jene mambəla ana kad ndana hay ara fəceɗ te cen dapa jene hay fakwanay. Manjah dapa metehey dapa taɓa takwar.

«Nda masa a kəs wat mekusetke ana nesey, mafay te mezel taaɗaw sə, e ŋgə ŋgesey e kəsiyey, ava yaŋ taaɗaw. Asaya, nda masa a kəsiyey, a kəs ŋgesey sə, yey babəla sabay, amaa a kəs Bay Zlavay nda mezlərekiyey may.»

Kwa waawa masa a ta gəjakwar yam ta masə kusetke mafay ta masa akwar ndah te Kəristi, ya gwaɗakwar, nda ana ŋgesey, meyəv tata a ta zə aabay.»

Kwa waawa mafəca nda amta deveŋ ndah makəsa ma aɗaw hay nesey ke te ŋgə mebərey sə, zuwan ac ta jawana kekeŋ mazlakava ana pa uway, ac ta kazlaɗ pa yam mafayakfayak ana.

Daha ndey takaa a ta hwadakaa pe meŋgə mebərey sə, huslaka ndey ana avəda. Zuwan ka ta ŋgataɓa manjah eve ndey amta dapa Wunam ta bay ta Zlavay, da yaŋ masa ke te dey kad pa ləhwaɓ ta kwakwaw eve ndey takaa hay cuweeney.