Popular Bible Verses from Luk 8

Share

Itɨŋi tənə tə́ fwayn ungɨŋ isey chuŋ amə ba mbənə u zəw inayn wu i zi ungɨŋ fiŋ ma ni faʼa akə asiʼ anigə iyimə fiŋ pey Amaʼazənə umi aghəy unó mbənə Nwiye kaba.

Itɨŋi tənə tə́ fwayn akaʼa injəŋ amə ba mbənə u bə zəw inayn wu, aba umugə umə iyeŋ ŋuw, unó mbənə umə akə igun isəg, anó ni zi fiŋ akə ukab nə ighəy anó zənə nyə̂ inyo mə kaba umbə zaʼa ifed inayn wu. Cha ibeni ma mə ikay.

Itɨŋi tənə tə́ fwayn igun akwaʼ amə ba mbənə u bə́ zəw inayn wu, u num ni iwuʼi. Anigə cha imə inyi ma afiŋ uma. U mbə mbeni inayn wu aba akə amaʼ moʼ anigə akwaʼara bə zaʼa u chi fiŋ ma akə anó zənə mbə beni.

Anigə Yeso ghayn abú mbə məŋə-anó ma kwi, “Injən ibeni fiŋ izayn?” Asɨmə mbə́ mə́ məŋərə uma ni goro ighayn akaʼa uma kwi, “A mə ukudu wa ngiya uŋunə nu umə inayn abú afirm nə imbəʼ ugwi ini zəw uŋwən?”

Itɨŋi tənə tə́ fwayn iguni ji, amə ba mbənə u bə zəw inayn wu anigə Azugə iboŋ zaʼa chi inayn wu ungɨŋ fiŋ uma boʼo ka u beni ma idu angəʼ

Cha anó moʼ awu unóy nu chama ami du asaŋ kə cha anó moʼ ukəbərə nu cha ba umi kyay kə nu cha ami du asaŋ.

Amaʼazənə ayey wu zən kwi cha inji abú uŋwən ipaʼa, yə́ sə́ neŋere igəw imbey Yeso ifigi ba ujum i toʼo aton zənə yə bira Yeso nə inji zənə isɨgə ma mey aba ighari awu. Yeso ghayn abú uŋwən kwi, “Uŋu ukwere inji beni fiŋ aghəy injə isɨgə imey. Ŋuw akə aborobod.”

Mbə məŋə-anó wu ŋu noʼ Yeso ambuni ighayn abú uŋwən kwi, “Masa masa! Mba yə sə baʼa iŋu iku.” Yeso noʼ atey ghayn abú afirm foro abú imbəʼ ugwi kwi i bó, imbayn ŋaʼa zuw nyəm anigə usin boro