Popular Bible Verses from Zâŋ 15

Share

Mǐ, mi ɓá dii ví̧nyɛ, wǎyri, i ɓá pâmndɔ̂ʼɔké. Njuku mí kaw mbêw kuu mǐ rá̧ mǐ, mí kaw mbêw kuu mɛ̌y, ké e hí̧ léna ɓá ŋgɛ̧́náké, ɓayhí̧lé i zi ma niŋ hɛ̧ a há̧na mbêw táŋ mí nyá.

Í kaw mbêw kuu mǐ, ɓá báŋké ka mǐ, mi kaw mbêw kuu wǎyri. Pâmndɔ̂ʼɔ dii too, ka zi mbɔl mûn dii yáy, ma léna nyá. Nǎŋnɔ́ kɔ́, wǎyri mí zi kaw mbɔl mí nyáy, i zi ma léna nyá.

Nǎŋnɔ́, wǎyri mí kaw mbêw kuu mǐ, rá̧ a mí ŋgbá ɓay a mǐ ka̧n law a wǎyri, í vbí hɛ̧ ka i ziy, i e ziŋáké.

Zi tí ɓá wǎyri pé ten mí nyá, ɓá mǐ pé ten wǎyri, mi hí̧ wǎyri nzáʼapéna, ɓá í sé, a í hí̧ léna, léna ka e ɗiɓaŋ, nǎŋnɔ́ hɛ̧ too ka i e vbí Bâa a mǐ ka rɛŋ ní, ké e hí̧ wǎyri.

Zína ka ndé zína hí̧ ndísɛ̌ʼɛ a mɛ̌ ɓay a mbáŋa mɛ̌ri̧, zi tí yá.

Pâmndɔ̂ʼɔ dii too, ka mbɔl mí, ka zi lé yáy, ké kúŋ gefal. Ka pâmndɔ̂ʼɔ dii a ǎ̧yrí̧ ka erú ka lénákéri, ké mɔny ɓay a kú ma lé ɓá ŋgɛ̧́náké.

Sáŋna mǐ ɓá: Í zi há̧narí̧ a bazeŋ a wǎyri ɓá báŋké ka mi zi wǎyri.

Wǎyri mí hí̧ léna ɓá a ŋgɛ̧́náké, nǎŋnɔ́ pé Bâa a mǐ e ziŋ hɔ̧́na, a goló, i e kaw ɓá gbát gunbɔʼɔ níri̧.

«Mi kaw ɓá dii ví̧nyɛ a gbátké, Bâa a mǐ ɓá njuku wâʼa ví̧nyɛ.

Njuku ka zi kaw mbêw kuu mǐ nyáy, kú e ɓá nɛ́ vbú kpâa, ɓá báŋa pâmndɔ̂ʼɔ dii a hɔ́ʼɔké, kú e fá̧náké, ka ɓá kɔ̧ hɔrɛ, ké e rɛ́ŋa.

«Mi saɓay nɛ́ hí̧ wǎyri, ɓay a mûnrína a mǐ, ké kaw kuu wǎyri, rá̧ í mbá a lawrína.

Wǎyri mí koro sáŋna a mǐ, i e kaw a ɓil zína a mǐ, ɓá báŋké ka mǐ, mi koro sáŋna a Bâa a mǐ, ka a kaw a ɓil zína a mɛ̌y.»

Hɛ̧ ka mi vbí wǎyri ɓá i niŋ ɓá, í zi há̧narí̧ a bazeŋ a wǎyri.»

Wǎyri mí kaw ɓá njuku a tísiriri, njuku a tísiriri e zi wǎyri, ɓayhí̧lé njuku a tísiriri zi ɓá njuku a mɛ̌ri̧. Dáy ka i zi tí ɓá njuku a tísiriri yá, ka mi ten wǎyri a bazeŋ a njuku a tísiriri dáy, ɓaykénɔ́, njuku a tísiriri e fɔny wǎyri.