Popular Bible Verses from Matìyò 18

Share

Aŋwòə loʼo kə aghê àbè moo aghê à tii ghu təmdzəŋi doʼò anə izəd yam, mə ki də awo nə̀ ghu.

Mə kâm dzây fwuli bə̂ ìyiə ìsoŋə̀ yìy â ghà nə̀ abu aghê àbè anə uzə ghi bɛmə dzəŋə kə anə iyiə ì liy yiy fə anə kəmbvə̀dintsə, gwùŋə̀ bə̀ ate, Təli wam wə ù də nəniy an-a-vələ ù kì byìlə̀ bə̀ ghu ate.

Yesù ə twoŋə bə̀ ànìsə̀ a kə̀lə̀ we, u təmi na bə̀ anə uzə u ghu. U dzày yə̀ a ghu nə, Mə ndzəmə̀ dzìy bə̀ ŋwò nə̀, “À mày kə nə̀ ghà kwuni kə ŋwô dòʼò tsə yəə à də ànìsə̀ wə̀, ghà nî zù kòʼ wày a lòʼo kə Zə̀kìy saʼa nəniy aghee we yiy ate.

Ì yû dè tsə nə̀, wù wə̀ ù nìy tswi tsə imuə̀ iwe yiy yəə à də ànìsə̀, ù nì dyòʼò wù ù nè nè wìy a lòʼò kə Zə̀kìy saʼa nəniy aghee we yiy ate.

Wù wə̀ ù ŋgwam na nəniy ànìsə̀ yəə à də ù wə̀ anə izəd yam, ù ghî ŋgwam na sòʼò mìə̀.”

Mə ndzəmə̀ dzìy bə̀ ŋwò nə̀ Iyiə yə ghà kì twe myiʼà fə anə mbyi, à ki də ì yuu mə twe na dzə̂ an-a-vələ, iyiə yə ghà bɛmə fə anə mbyi, à ki də ì yuu mə bɛmə na dzə̂ an-a-vələ.

Yesù ə dzày kəd tsə nə̀, “À yù də̀ yəə Təli wam wə ù də nəniy an-a-vələ ù nì faʼà soʼò nə̀ ghà abu ghà də nìyzə̀ wày bɛb tə aghù tìy anə fôŋ tii.”

Abu wù lìy wìy zəŋi nəniy nə̀ ànìsə̀ ù mòʼ anə nìsə̂ yə̀ ghu bɛmə nəniy â mìə̀ nə̀ ù zəŋi bɛb, ù kpe kə yəə ghu ni kwù tsə itay ìgwuə ì nê yìy anə umwìy u we, ghu zû kwuŋi màʼà yə̂ we anə an-a-ntəm anə dzwî ì nè yìy.

Abu wù lìy kwu nəniy ndzù tìy fəbwaam, ìmòʼ này tsə ate, ù kì zəŋə mə̀yə? Ù kì wa nia sə tsə tə̀ tuu mə̀mvəm imbwùkə nə̀ ghe tiy ibwùkə anə udoŋ ani zù kaw ì yù ì này dòʼò nəniy ə?