Popular Bible Verses from Matìyò 2

Share

Abù ghu tsîy nyi kwoʼ yə̂ awote a ndaw, ghu kòʼ yə̀ wà ù ghè wə̀ anə awo ə Mə̀li, tyoŋə zə̂ we. Ghu nyaʼa yə̀ ambvə̀d ani fwulì we. Ghu tsàʼì tsə ùmbè u ghu, nìy fyi kə ufyiə ùtsəə ù soŋə̀ wə̀ ghu tyoŋə nə̀ à də̀ Gôl, nə̀ ùfyiə ùlyimə ù liy wiy ivən i kə taw nəniy, nə̀ fyiə kə̀ liy kiy ghu kə tyoŋə nə̀ à də̀ mayà, nyə̀ yə̀ â we.

Ghu byi tsə Yesù anə inaʼ i Betlèhêm a bwòʼò Dzùdiyà, a sòŋə fə Helòd kə də nəniy dòŋkìy. Aghù yə̀ ghu kə kwu nəniy utwab wiy ani koʼ kəli yə̀ àyiə yə nsǐbə̂d mìy dzîy nəniy, ghu kə ŋwô bə̂ nəniy a bə̀d kə̀ tsə̀ fyiə kwoʼo bə̂ nəniy ate, ghu bù a Yèlusalèm. Ghu bəb tsə nə̀, “Wa nə ghu byi nəniy nə̀ ù bù dòʼò dòŋ kə aghě Dzû, ù də̀ yiə? Ghè kôʼ kəli tsə sǐbələ̀ fə we a bə̀d kə̀ tsə̀ fyiə kwoʼo bə̂ ate. Ghè fə̂ bù ani bù fwùlì we.”

Abù ghu kôʼ yə̂ nəniy sǐbə̂d fə̀, ghu kàm ŋge dwiʼi này yə̀ ghii.

Zə̀kìy kə ke na yə̀ ghu anə udzɛ̀mə̀ nə̀ ghu kə kâm dzwoŋi zù kwùm dzə̀ akə̀lə̀ Helòd, ghu zù tsìy yə̀ anə dzə̀d ìŋwò yìy ani zù dzwoŋi anə inaʼ i ghu. Abù ghu ŋwô yə̂ nəniy, tsə̀ndii ə̀ Kə̀zə̀ ə bù dè bə̀ ùwe â Yùsə̂f anə udzɛ̀mə̀ dzày yə̀ a we nə, “Ŋwǒ kə, wò nîy kə wa nə, nə̀ zə̂ we, ghà tu zû anə inaʼ i Idzìp. Ghà kwu ani dòʼò awote zù kwùm soŋə fə mə kî dzìy bə̂ nə̀ ghà ŋwô, aŋwòə Helòd kì khu kyabə tsə̀ ŋwòə wa nə ani wiy màʼà we.”