Popular Bible Verses from John 1

Share

Kintu jiman jon pora Taike grohon korise, Tai he taikhan ke Isor laga bacha hobole adhikar dise, jun Tai naam pora biswas kori loise.

Shuru te Kotha asele, aru Kotha to Isor logote thakise, aru Kotha he Isor ase.

Aru pohor to andhera te ujala korise, aru andhera to pohor ke jitibo para nai.

Aru Kotha to gaw mangso hoi kene amikhan majote thakise. Amikhan Tai laga mohima dikhise, eneka mohima juntu Baba pora tai laga ekjon morom thaka Putro ke dise, aru etu anugraha aru hosa pora bhorta ase.

Sob jinis Tai pora he bonaise, aru ki bonaise Tai nathaki kene eku bhi bona nai. Tai logote jibon asele, aru jibon to manu khan laga pohor asele.

Dusra dinte Jisu tai logote ahi thaka dikhikena John koise, “Sabi, Isor laga Mer bacha, kun pora etu duniya laga paap uthai loi jabole ase!

Tai duniya te thakisele, aru Tai he duniya bonaise, kintu duniya pora Taike janibo para nai. Tai nijor manu khan majote ahise, kintu Tai nijor manu khan pora Taike luwa nai.

Sob manu ke pohor dibole asol pohor duniya te ahi thakise.

Kelemane niyom to Moses dwara anidise. Kintu anugraha aru hosa to Jisu Khrista pora he anise.