Popular Bible Verses from Génesis 19

Share

C'u stu un, yajnil ti Lote lic sq'uel sutel spat ti jech nabal batele, va'al icom o un. C'ataj ta ats'am ton ti bu taje.

Ti ánjeletic ti xch'ayet no'ox ta xilic ti Lote, laj snitbeic batel sc'ob, ja' ti tal to xc'uxul yo'nton ti Dios ta stojole. Ja' jech xtoc nitbil batel sc'ob ti yajnile xchi'uc ti yantsil nich'one. Loq'uesatic batel ta lum yo' jech ta xcolic.

C'alal loq'uic xa batel ta lume, ti jun ánjele xi laj yalbe ti Lote: —Anilajan, pojo aba. Mi ja'uc xaq'uel sutel tal apat. Mi ja'uc xapajes aba ta xanobal ta stenlejtic. Batan c'alal to te'tic mi ta to xac'an ta xach'i xac'opoj ava'ie.

Ja' jech c'ot ta pasel yu'un Dios ti laj stubbeic sc'oplal ti jteclumetic oy ta stenlejaltique, ti bu to ox nacal ti Lote. Ja' no'ox un, ti Diose laj to svules ta sjol c'usi sc'anoj ti Abrahame. Jech o xal laj sloq'ues batel ti Lot bu oy ti vocole.