Popular Bible Verses from San Juan 4

Share

Yu'un ti Diose mu xvinaj ta q'uelel. Jech o xal ti buch'utic ta xich'ic ta muq'ue, ac'o loc'uc ayanuc ta yut yo'nton ta melel.

Sta xa yorail, ja' xa yorail avi li'e, ti buch'utic ta xich'ic ta muc' ti Diose, ac'o spasic jech c'u cha'al ta sc'an ti Ch'ul Espíritu yu'un ti Diose. Yu'un ti Diose, jech ta yo'nton ti ac'o ich'atuc ta muq'ue.

Ja'uc ti buch'u ta xuch' ti vo' vu'un ta xcaq'ue, j'ech'el mu xa'iic taqui ti'il. Yu'un ta xc'ot ta yo'ntonic jech c'u cha'al nio' ti mu sna' x'ul ti xtuctun o ti ta x'ac'bat xcuxlejalic sbatel osil yu'une.

Xi laj stac' ti Jesuse: —Ti xana'uc oy c'usi ta xac' ti Diose, ti xana'uc ti Buch'u ta sc'anbot ti vo'e, ta melel unbi, vo'ot ta xac'anbun ti vo' jechuque. Ta xcac'bot ti cuxul sat vo'e.

Xi laj yal ti Jesuse: —Ti jve'el ta jtun ta jlajese, ja' ti ta jpas ti c'usi oy ta yo'nton ti Buch'u laj stacun talele, ti c'otuc ta tsutsel cu'un ti yabtele.

Xi laj yal ti antse: —Ti vo'ote mi ja'uc c'usi oy avu'un yo' ta xalup loq'uel tal ti vo'e, yu'un toj nat ti joq'ue. ¿Bu ta xata talel ti vo' ti mu xtub sc'oplale?

Xi laj stac' ti antse: —Ca'binoj sc'oplal ta xtal ti Mesiase, ti xcaltique, ja' ti Cristoe. C'alal mi tale, xtal svinajesbuncutic scotol ti c'usi mu jna'cutique. Xi laj yal ti Jesuse: —Taje, vu'unun ti li' yacal ta xic'opoj ta atojole.

—La', q'uelo avilic jun vinic ti buch'u laj xa svinajesbun scotol ti c'usi laj jpase. Mu jna' mi ja' ti Cristo ta xcale.