Popular Bible Verses from San Juan 8

Share

Ti Jesuse xi laj no'ox yal xtoc ta stojol ti jnaclejetique: —Luzun yu'un ti jnaclejetique. Ti buch'u ta xists'aclie, oy luz yu'un ti ta x'ac'bat ti xcuxlejale. Mi ja'uc ta xanav ta ic'al osil.

Ta xlic avojtiquinic ti bu ja' melele, xchi'uc ta xaspojoxuc loq'uel ta mosovil ti melele.

Ti Jesuse xi laj yalbe ti israeletic ti buch'utic laj xch'unique: —Mi staoj yav avo'ntonic ta xch'unel ti c'u s'elan laj calboxuque, ta j'ech'el ja' cajchanc'opoxuc.

Jech o xal un, mi ta jcoltaoxuc ti vu'un Nich'onilune, c'otem ta jventa ti apojel acolelique.

Ti jech xvulajetic ta sjaq'uele, ti Jesuse va'i ti xi laj yale: —Buch'uuc no'ox junucal avu'unic mu sna' sa' ti smule, ja' ac'o syales ba'yel ti yoc sc'ob ta yac'bel ton ti antse.

Xi laj stac' ti Jesuse: —Ta melel ta xcalboxuc ava'iic, scotol ti buch'u ta sa' smulique, ja' mosovinbilic yu'un ti mulile.

va' xi liquel ti xi laj sjac'be ti antse: —¿Bu bat ti buch'utic ta sa' amule? ¿Mi oy buch'u laj yac' atoj ti amule? Xi laj stac' ti antse: —Mu'yuc chquil, Yojtot. Xi laj yal ti Jesuse: —Mi ja'uc vu'un ta xcac' atoj ti amule. Avi li'e, batan. Mu xa xasa' yan amul.