Popular Bible Verses from San Lucas 17

Share

Xi albat ti vinique: —Lican, batan, colemot xa ta sventa ti c'ot ta avo'ntone.

Manchuc mi vuc-coj ta c'ac'al laj sa' smul ta atojol, mi vuc-coj xi ta xtal yalbote: ‘Jna' ti ja' jmule, mu xa jpas jech’, mi xayute, ch'aybo ti smul scolo'e.”

Oy buch'u jun yu'unic, c'alal laj yil ti colem xae, sut talel, ti tsots x'avet xa talel ta yalbel slequilal ti Diose. Vul squejan sba ta stojol ti Jesuse, ti snupilan xa banomil laj spatan sba ta lumtic yo' ta xalbe coliyal. Ti vinic taje, liquem talel ta Samaria.

“Q'uelo abaic, bijanic, mi oy jun achi'il laj sta smul ta atojole, lequil albo ya'i. Mi ta xlic ya'i sbae, ch'aybo smul scolo'.

Xi laj yal ti Jesuse: —¿Mi mu lajunvo'oxuc (10) col ti achamelique? ¿Bu oy ti yan balunvo'e (9)?

Xi laj stac' ti Jesuse: —Ti oyuc ta avo'ntonic jech c'u cha'al jbejuc ta uni bec' mostaza ti oy c'usi stac' xc'ot ta pasele, xu' xi xavalbe ya'i ti jpets sicómoro te' li'e: ‘Pitso aba loq'uel, ba ts'uno aba ta nab’, mi xavute, ta xch'un.

Ti buch'utic ta spoj ya'iic ti xcuxlejale, ja' ta xch'ay no'ox. Ja'uc ti buch'utic mu spoj ti xcuxlejale, ta sta ono'ox ti xcuxlejale.

Ti Jesuse xi laj yalbe ti yajchanc'optaque: —Oy ono'ox ti bajel ta mulil ti mu'yuc c'usi stac' utele. ¡Mu no'ox cha'bel un ti buch'u ta sta smul yu'un ti yane! Ja' lec ti chuc xi cho' ta snuq'ue, ti jip xi yalel ta nabe, yo' jech mu sta mulil yu'un junuc ti ololetique.

Ti c'u s'elan laj spasic ti jnaclejetic c'alal cuxul to ox ti Noee, ja' no'ox jech s'elan ti jnaclejetic c'alal ta xicha'sut talel ti vu'un co'ol j'elantique. Yu'un batem yo'ntonic ta ve'el, ta uch' vo', ta xic'an sbaic, ta xaq'uic ta nupunel ti yalab xnich'nabique. Jech ta spasolanic c'alal c'ot yorail och batel ta barco ti Noee. Tal ti nojel ta vo'e, cham scotolic.