Popular Bible Verses from John 10

Share

I palu we van gese ma si a palu, wa si a vus, wa si a ge mate: na me van ma si neira a taur mora o esu, wa si neira a taur tuan.

Inau i altag goro we wia; i altag goro we wia we map siwo naesuna o manig sheep ŋaŋ.

Pulak o sheep ŋaŋ we tiŋqoro naliŋak, wa nau we gilala ineira, wa neira we tataga inau

wa nau we la muneira o esu galava; wa neira tete mate tagea ti tuai ti tuai, wa isei tete wosag lai neira nan napanek.

Inau o mategeara; isei we van pata alo inau ni te esu apena, wa te van pata wa te van lue, wa te ilo suar o valis.

Inau i altag goro we wia; wa na we lolomaran ira gene anak, wa ira gene anak we lolomaran nau

I Tamak qa me sogov neira ma munau, ni we liwoa nan ra gene nol, wa isei tete wosag lai neira nan napanen Tamak. Ikara i Tamak i tuwale.

tama o Mama we lolomaran nau, wa nau we lolomaran o Mama; wa nau we map siwo naesuk o manig sheep ŋaŋ.

Isei gate lareag nan nau, pa nau we map matapuk siwo. Inau we mana si na map siwo, wa nau we mana si na la kalo mulaŋ. Na me la o lea vatraŋ iloke amen Tamak.

O manigiu o ine i Jesus ti vet mulaŋ muneira wa, We nun, we nun, nau we vava mun kamiu wa, Inau o mategeare sheep.

Nava i gene rusag, ineia gate i tur altag goro, wa o sheep ŋaŋ gate pulana, pa ni ta ilo o qoe kurkur we mule ma, ni te ukeg o sheep, pa ti toa, wa o qoe kurkur te takul ineira, te ge saleŋa o sheep ŋaŋ.

We nun, we nun, nau we vava mun kamiu wa, Isei qe tete van pata ilo geara sheep ape mategeara, pa we kalo we sea ilolona, ineia i palu wa i vuspalu.