Popular Bible Verses from John 15

Share

Inau o vine, kamiu o waŋarai ŋaŋ. Isei qe goara alo inau wa inau alo ineia, ni te uwa liŋliŋ; ape asasau nan nau kamiu tete ge lai o sava.

Tur goara alo inau, wa inau alo ikamiu. Tama o waŋarai tete uwa matapuna lai ta tete goara alo vine, tamaine gina kamiu tagai mulaŋ, kamiu ta tete goara alo inau.

Si kam qe goara alo inau wa mok o vavae ŋaŋ qe goara alo ikamiu, tur paere ape savasava ŋaŋ kam we maros, wa te lai ran mun kamiu.

Kamiu gate ilo raka inau, nava na me ilo raka kamiu, wa na me map kamiu si a tira taso wa a uwa, wa si nomiu o woai a goara; wa si i Tamak ni la at mun kamiu o savasava ŋaŋ kam we paere apena alo sasak.

Tete tapeva amensei we poa nan iloke, si sei te map naesuna siwo o manigiu ra pulsalana.

O val waŋarai alo inau ta tete uwa ni te save reag; wa o val waŋarai ta uwa, ni te wurvag sin uwa liŋliŋ nan amoa.

Iloke mok o lea vatraŋ, si kamiu a vartape kamiu, tama inau me tape kamiu.

Iloke o gene i Tamak we ronoga apena, si kam qe uwa liŋliŋ; wa kamiu te qeteg tiŋqoro anak tamaine.

Inau o vine we nun, wa i Tamak i mawmawui tuqei.

Si isei qe tete goara alo inau, me savrag reag veta ineia tam o waŋarai, wa me kor, wa irasei te vile tuwale ineira, te savrag ilo avi pa we gao.

Nau me vava o vavae ŋaŋ iloke mun kamiu, si nok o malakalaka ni goara alo ikamiu, wa si nomiu o malakalaka ni wesu ran.

Si kam qe kokor mok o lea vatraŋ ŋaŋ, kam te goara alo mok tapeva; tama inau me kokor o lea vatraŋ ŋaŋ mon Tamak, wa na we goara alo tapeva namona.

Nau we vatraŋ kamiu tamaike si kamiu a vartape ikamiu.

Si kamiu qe talo marama, o marama te tape ira anana; nava o manigiu kamiu gate talo marama, pa na me ilo raka ikamiu nan o marama, o manigiu ilone o marama we ŋustup kamiu.