Popular Bible Verses from John 6

Share

Naŋ i Jesus ti vet muneira wa, Inau o bread esuva; isei qe van ma sur nau tete maliŋsala, wa isei qe nomtup inau tete marou aŋaisa.

O vui we ge esu, wa o visogoi tete piriŋ ilo; o vavae ŋaŋ na me vava mun kamiu, iloke ŋaŋ o vui, wa o esu.

Tur pea mawmawui ape sinaga te tagea, panava ape sinaga te toga ilo esu galava, i Nat tanun te la mun kamiu; apen o Mama, i God, me vatapua.

Ape o maros mon Tamak iloke, si isei qe sagarag o Natui, wa we nomtupua, te esu galava, wa na te ge rakatia alo ulus qoŋ.

Naŋ i Jesus ti valuira wa, Iloke o gagagapalag mon God, si kamiu a nomtup i gene ni me vatraŋ ma.

O sava o Mama qe la munau te van qet ma sur nau, wa na tete gevtag reag ilo isei qe van ma sur nau.

Naŋ i Simon Peter me valuia wa, Lord, kamam te toa sur isei? amaiko o vavae ŋaŋ we tira ape esu galava.

Inau o bread esu me siwo ma vunana; si isei qe gana o bread iloke ni te esu galava; wa o bread lova iloke na te le navisogok nake na te le, ape esu marama.

O Mama i gene me vatraŋ nau ma ta tete ramo isei, ni tete van lai ma sur nau: wa na te ge raka kelua alo ulus qoŋ.

Apen o bread mon God iloke we siwo ma vunana, wa we ge esu o marama.

Inau o bread esuva.

Naŋ i Jesus me taur o bread, ti wievavae, ti tirag munra tiŋqoro, wa ira tiŋqoro mun o tanun ŋaŋ me pute siwo; wa o iga mulaŋ tama isei qe maros. Wa neira me toqo qet, ni me vet munra tiŋqoro anana wa, Vilerag o garate sinaga me tuqe ti, nan o sava wa tagea.

Wa ineira me sua o masaoi saŋavul rua o numei tavelima si saŋavul tol, qara ilo i Jesus ti mulemule avune pei, ti rivtag o aka, wa neira we gogolo. Pa ni me vava muneira wa, Inau iloke; turpea gogogolo.