Popular Bible Verses from Mark 10

Share

O manigiu i Nat tanun gina gate mule ma si rasei a rowrowovag munia, nava sin rowrowovag muneira, wa sin ukeg naesuna o tapetape goro tanun tar.

Nava i Jesus me sagaragira we vet si, Amen o tanun tete lai ran, nava amen God te lai; ape o savasava ŋaŋ te lai ran amen God.

Wa i Jesus me vet munia wa, Mule at, nom o nomtup me vaesuko. Naŋ ni me ilo kel gaplot, wa qara tataga i Jesus alo matesala.

Wa si ta tamaine, o sava God me vile tuwale ti, nipea o tanun a vilewora.

Naŋ i Jesus we sagaragia, we marosia, wa ti vet munia wa, Pa i tuwale te qale valuava muniko, mule at, wolreag napulama ŋaŋ, wa ka tirag munra masara, wa ko te taur moma o tar valeŋaleŋa avunana; wa ka mule ma, taur kalo nom o wolowolo, tataga inau.

Naŋ i Jesus ti vet munia wa, O sava ko we maros si na ge muniko? Naŋ i matapei me vet munia wa si, Raboni, si na ilo kel.

Nava tete tamaine amen kamiu; nava isei ta maros we qeteg liwoa amen kamiu, ni te rowrowovag mun kamiu.

We nun nau we vava mun kamiu wa, Si isei qe tete la mona o marana non God tama o natmera, ni tete mule pata lai ilolona.

Nava we qoqo me moai ti te tagir aŋaisa, wa me tagir ti pa te moai.

nava alo qeteg tiŋiva ma God me tiŋ neira o mereata wa o tavine. Wa o manigiu o ike o tanun te toavtag i tamana tana ravevena, wa te kata apen rasoana, wa irara rua te mun visogoi tuwale. O manigiu si gate irara rua mulaŋ nake, nava o visogoi tuwale.