Popular Bible Verses from Mark 2

Share

Pa i Jesus me roŋotag, me vava muneira wa, Irasei we esuesu gate maros ran i gismana, nava irasei we gopagopa. Na gate mule ma si na log ira taniniga, nava ira ganganor ape nomleas.

Naŋ i Jesus we ilo nor o nomtup ti vava mun i mawea wa, Natuk, me nomvitag muniko napugama ŋaŋ.

Wa ni me vava muneira si, O qoŋ mapsag me qeteg raka o manigiu o tanun, wa gate o tanun o manigiu o qoŋ mapsag.

Wa neira gate peteŋ laia ape sul, wa neira me sese wora o noota alo masaoi ineia aia, wa me waka paso, qara varoro siwo o tanoepa i mawea we risa avunana.

Nava si kamiu a ilo vaglala si amen i Nat tanun o mana apena si a nomvitag pugai ŋaŋ vawo tano; naŋ ti vet mun i mawea wa, Nau we vava muniko, Tavaraka, wa taur kalo natanoepama, wa ka kel sage ilo imama.

Avea we togawora, si we vava mun i mawea si, Me nomvitag napugama ŋaŋ; si we vava si, Tavaraka, wa taur kalo natanoepama, wa mule atalia.

Wa ni me tavaraka gaplot, wa me taur kalo natanoepana, wa me rowolue alo nagora nol. O manigiu si neira we mamakei nol, wa we log ronoga God, we vava wa si, Kamam gate ilo tuai tea we tamaike.