Popular Bible Verses from Yohana 1

Share

Nda haamu, avaanu vonda avamwanukiye nu kumufuuwa, avapeeliye uwutawulilwe wa kuvedza vaana va Nguluvi.

Pa wutalilo, aali kwali uLidzwi. ULidzwi uyo aavedzasaga nu Nguluvi, kangi uLidzwi uyo aali ye Nguluvi.

Ulumuli ulo lwimulika mu kiisi, neke kangi ikiisi kyalemiilwe ukuludeludza.

ULidzwi uyo aadzile iivedzaga muunu, akwikalaga pamwinga naafwe. Uneefwe twadziweene indolo dzaakwe, indolo dza Muswamuve uMunyakimwinga ye aahumile kwa Daada uNguluvi, ámemile ulusungu ni ndakyene.

Ifigawa fyonda fyagaviilwe wugendela mwa Lidzwi uyo. Sikookili ikigawa nambe kimwinga ikyagaviilwe kitagendela mwa mwene. Umwene ye kiwumbuko kya wuumi, nu wuumi uwo wiileeta ulumuli ku vaanu.

Ikigono ikya wuvili, uYohana akumuwonaga uYesu iikwadza ukwakwe. Akuvalongelaga avaanu avaali baaho iitigilaga, “Lolage, ako ke Kaanangʼolo ka Nguluvi, akiihedza indzanangifu dza vaanu vonda mwe naanyi!

ULidzwi uyo aali mwe naanyi umu. Neke kangi avaanu mwe naanyi vasamukaguwe, nde luvedze inyi yaagaviilwe wugendela mwa mwene. Aadzile ku vaanu vaakwe, neke kangi aveene vasamwanukiye.

Ulumuli lwa ndakyene ulo, ulukuvamulikila avaanu vonda, lwádzile mwe naanyi umu.

Kwe kutigila, pakataali uNguluvi atupeeliye imilagililwe gyakwe wugendela wa Mose, kangi umusika ugu átupeeliye ulusungu lwakwe ni ndakyene yaakwe mwa Yesu Kilisiti.