Popular Bible Verses from Yohana 17

Share

Ve Daada, ndiilapangila uvahambuse viimike wugendela wa ndakyene, pakuva ilidzwi lyako ye ndakyene.

Uwuumi uwa mbeepali we uwu ukutigila, avaanu vakudzeelage uveeve ve Nguluvi va ndakyene ye wimwene, kangi vamudzeelage uYesu Kilisiti ye wamutumile.

“Sindikuvalapangilila avanyigendwa ava veene, nda haamu, ndikuvalapangilila na vonda avahadza vakuufuuwa, wugendela wa madzwi ge viiwulanidza avanyigendwa vangu. Ndikuvalapangilila avafuuwa vonda vavedzage vamwinga, ngita uveeve kye uli mugati umwangu, na yuune kye ndili mugati umwako. Ndikuvalapangila navo vavedzage mugati umwesu, ukuta avaanu va mwe naanyi vafuuwage ukutigila, ye veeve ye waanumile.

“Ve Daada, sindiilapangila ukutigila, uvahedze mwe naanyi umu, nda haamu, uvakengelage ukuhuma kwa Muhosi yula.

Indolo dze waameeliye, na yuune ndívapeeliye avafuuwa avo, ukuta vavedzage vamwinga, ngita uneene nu veeve kye tuli yumwinga. Uneene ndili mugati umwawo, na yuuve uli mugati umwangu. Ndiilapangila ukuta vavedzage vamwinga, ukuta wugendela uwo, avaanu vonda va mwe naanyi valudzeelage ukutigila, ye veeve ye waanumile, kangi valudzeelage ukutigila ukuveenda ngita kye ukuundzenda uneene.