Popular Bible Verses from Yohana 7

Share

Ndeviye kye wiilonga uWusimbe uWiimike ukutigila, umuunu ye avedzaga ye akuufuuwa uneene, iivedza ni mikoga gya lulenga ulwa wuumi uluhadza lwinyilimaga ukuhuma mu numbula yaakwe.”

Ikigono ikya wusililo kya kyaka kya fitinga, ikyali kigono kikomi kiifikaga. Neke uYesu iimage, iinusage isawuti atigilage, “Umuunu ye avedzaga ye ali ni ngʼelo, aadzage ukwangu anyuwe.

Mu ulo, uYesu aalongaga ulwa Mubepo uMwimike, ye ahadza iikwanukilwa na vaanu vonda avakumufuuwa uYesu. Navo vasaapeeliilwe uMubepo uMwimike umusika ugo, pakuva uYesu aali aave ukwinuswa ukuhelela kukyanya ku ndolo dzaakwe.

Mutanage ukumuhiga umuunu wiimila wa idziiwoneka mwivala hela, nda haamu, mumuhigage wiimila wa wugolofu.”

Umuunu ye iilonga mu wutawulilwe waakwe, iitemula uluginiyo lwakwe yumwene. Neke kangi ye iitemula uluginiyo lwa uyo ye ámutumile, uyo iilonga idza ndakyene, nu wudesi simoowuli mugati umwakwe.”

UYesu akuvalongelaga iitigilaga, “Imbulanidzo dze ndiiwulanidza si dzangu, nda haamu, dziihuma kwa ye áanumile ukwenyo.

Avaanu va pe naanyi apa vasiigela ukuvaviipila unyeenye, nda haamu, vakuumbiipila uneene, pakuva ndikuvalongela ukutigila amalimo gaawo maviifu.