Popular Bible Verses from 1 Corinth 13

Share

Ikiheroe leivila haela va haiapo iele ikihuru hiki leivila; ikiheroe leivila haela haela ae ve eharu ikivere lei va ka; ikiheroe leivila haela pelaea lei elare kekela va ka. Are mai haiae lei va ka; elare eharu haropa va ka; hihiri elavelave lei va ka; heaha kara kekela va ka

Heraho oaria ikihairihairi lei va ka; eharu oaria ikikekelavila; eharu mekaka oaria ikivere leivahaevila; iki aheke leivila.

Mai haiae ve ikiveveke lei va ka, aka o iele ve ikiveveke leivila

Ma hoa, aheke apealula eharu ilehoila — ikikekela mai, kai ikivere mai, kai ikiheroe mai: Aka ma eharu ilehoila ve oropa eharu iele va ikiheroe mai.

Ikiheroe mai karia lei va ka: aka peroveta oharo oaria karia leivahaeakilai; uri lahua lahua oaria karia leivahaeakilai; ikiore oaria hai ka leivahaeakilai.

Ara va haela i aneru ila ve uri oaria la hukavakilava, kai ikiheroe mai haveva la leikilava, arave ara va āpa hi aeka karuku karuku oaria hovea.

Ara va peroveta horova ore la laikilava, ara muruhari i ikiore eharu oaria ore la leikilava, kela ehoaha hareavakive hovea, aka ikiheroe mai leiki aue la leikilava, ara iele karia.

Ara va eharu oaria merava haela ailarakilava, arave maea ara a harive avilarakilava, aka ikiheroe aue la leikilava, ara veveke lei va ka.

Arave akore hekai hoa ara va akore hekai ve oharo hovea hukavape; ara va akore hekai hovea oharo iapape, kai akore hekai hovea ikikekelape. Aka arave haela hoa, ara akore hekai ve la eharu haitapape.