Popular Bible Verses from 2 Corinth 4

Share

Ehovea ela va hihika la eharu ovohae eavavahaea va ka. Ela haela eavavahaeaki aue la eharu iki kelavalula. Ehovea haela eavavahaelula la eharu va hai ka leivahaeaki eharu, aka eavavahaeaki aue la eharu, ere va haiapo aiai karia lei va ka.

Laelave, ela mahuka leivahaea va ka. Elave maea iilu la apakilava, iki ureve hare oaria aheke leivila. Ela va aireaki ovokake hoa ikiveveke eapapo koarakilai, ehovea ma hoa ve kakare i heraho leiki hoa.

Ela va mea oaria heraho leilula, aka ikihairihairi leivahaea va ka. Ela va ikihorahora leilula, aka oaoka leivahaea va ka. Haela elaro hararualula, aka Aualari elaro haitapa va ka. Haela elaro haru koavalula, aka ere elaro hai ka leivahaea va ka.

Aka ma eharu mekakure ela va meahaiapo ve eharu ureve hailavalula, laelave aheke ve mekakure va Aualari v'ila leikive, elav'ila va ka.

Ma meahaiapo harihu ikikelavaki aue haela ve iki le kokaukape, Aualari ve maea hovea la Keriso ve iroro oharo ereve iki va heaoapaki ave.

Ehovea, Ovava mea muru ve kihorerakive maeape la Aualari, elave iki ureve kai heaoapape, ehovea Aualari ve haharika ve ikiore ve Ovava Iesu Keriso ve oropape v'ila avarakive.