Popular Bible Verses from Matthew 24

Share

Aeva ehovea la hoa mai heahaha oaria leikilai, uku haela ve ikiheroe huhurakilai. Aheke aiai kari leiki hoa la haela are va okokake leikilai.

Ma basileia ve iroro ita lahua lahua oaria hareho kopurapakilai, ehovea vila ipipi oaria ore leikive, aireaki va kari leiki hoa ekekilai.

E va mare i mihea mahea ila ve hari iapakilai. E va iki va kaihaharue, ehovea ma eharu oaria overa iki hoarapakilai, aka leia kari leiki hoa va ka.

Ehovea vila ipi aea va vila ipi ae i urahuka miho‐mahe arilai, basileia aeva basileia ae i hahari arilai, ita oaria hohera leikilai, mea heaha leikilai, kai mea puipui ekekilai. Ma eharu oaria ikihuru ve avare koai ipopeavaki hoa.

Kaea meahaiapo ila karia leikilai, aka arave oharo karia lei va ka.

Ehovea haela oaria arave rare ve ekevahaeai mari arilai, Ara va Keriso; aeva haela oaria aburaeakilai.

Ere va la hoa ero hihila epavahaeakilai kai ero haeakilai. Vila ipipi oaria ero ikiheaha leikilai ehovea arave harihari. La hoa haela oaria ikihairhairi leikilai kai elarelare hihila epavahaeakilai kai elarelare hahaure hahaure leivahaeakilai. Opore peroveta haela oaria urahuka haela oaria aburaeakilai.

Iesu erero kavale maeaeape, E kiva auhohi leiki, haela ero aburaeaki ave.

Laelave e kara overa kariki kariki ari, ehovea e va ikikekelaki aue la hoa haela ve Akore le ekekilai.

Laelave kiva auhohi leila. Ehovea e va Amua ve ekeki hare ore va ka.

Aka la hare, la hoa ila haela aea haveva: Kaire, Kaia ve aneru kara ore va ka, ore arave Oa hiki.

Ehovea opore Keriso urahukakilai, kai opore peroveta haela. Ere va ikihorahora leiki ihova ra amoeavahaeakilai: laelave maeamaea ere va haela mekakure kara aburaeaki, maea iele.

Aka Noah ve hare leipe hovea, haela ve Akore ra ekekilava, laria. Hoveahovea, haa hape, la hoa, haela oaria eapai i ma ila lalavahaeroape, uavila karairoape aiai Noah vevaea apo ureve araeape la hare. Kai oaria ore va au leila aiai ita haa hape, erero oaria le aititivape. Haela ve Akore ra ekekilai ka laria.